د چرګانو د غوښې او هګیو بيه دوه برابره لوړه شوې

خبریال وېب پاڼه/ د لبنياتو ټولنه وايي له بهرنیو هېوادونو څخه د وارداتو د بندېدو له امله په هېواد کې د چرګانو د هګيو او غوښې بيه لوړه شوې ده

د کابل او یو شمېر ولایتونو بازارونو کې د چرګانو غوښې او هګیو بیه دوه برابره لوړه شوې ده.

د کابل ښار یو شمېر اوسیدونکي پر سوداګرو نیوکه کوي چې د کرونا ویروس او د روژې میاشتې را رسېدو سره سم، په عمدي توګه یې د چرګانو هګیو بیه لوړه کړې.

خو د لبني توکو ټولنه وایي چې بهرنیو هېوادونو څخه د هګیو وارداتو درېدلو امله هېواد کې یې بیه لوړه شوې ده.

له دوو اوونیو راپه دې خوا په کابل ښار کې د چرګانو هګیو بیې دوه برابره زیاتوالی موندلی دی.

یوه هګۍ اوس په یوولس افغانۍ په بازار کې پلورل کیږي د کابل ښار اوسیدونکي سوداګرو څخه نیوکه کوي چې په یوه وار یې د هګیو بیه لوړه کړې ده.

خو سوداګر وايي چې د ایران او پاکستان څخه د چرګانو هګیو وارداتو درېدو سره بیا بیو زیاتوالی موندلی دی.

د چرګانو فارمونه بیا د کورنیو بازارونو غوښتنې نه شي برابرولی.

د لبني مواد ټولنې مرستیال د کرنې او مالدارۍ وزارت څخه نیوکه کوي چې دې وزارت افغانستان د چرګانو هګیو تولید کې اتیا سلنې ځان بساینې سره اعلان کړ خو اوس بیا کورني فارمونه د شل سلنې تولید توانايي نه لري.

د کرنې او مالدارۍ وزارت ونه غوښتل چې په دې اړه له موږ سره خبرې وکړي.

افغانستان بیا د لنبې موادو اړتیا ډیری برخه د ایران او پاکستان څخه واردوي اوس بیا د دې دواړو هېوادونو د وارداتو کچې دوه برابره کموالی موندلی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More