fbpx

مرتا عربینز په لس اوریز لیګ کې راجپوت ته ماتې ورکړه

نن ماښام د لس اوریزه لیګ په (۱۵) مه لوبه کې راجپوت او مرتا عربینز لوبډلې په شارجه لوبغالي کې د سیالۍ ډګر ته ووتلې چې په دې سیالۍ کې مرتا عربینز لوبډلې په لس ویکټو راجپوت لوبډلې ته ماتې ورکړه

په سیالۍ کې پچه مرتا عربینز لوبډلې وګټله او د توپ اچونې پرېکړه یې وکړه راجپوت لوبډلې په ناکامې توپ وهنې سره په ټاکلو لس اورونو کې( ۷) لوبغاړو په سوځېدو سره ټولې ( ۶۳) منډې جوړې کړې او مرتا عربینز لوبډلې لپاره یې د( ۶۴) منډو هدف وټاکه.

د راجپوت لوبډلې لپاره په توپ وهنه کې محمد شهزاد (۹) بین ډنک( ۱۵) منډې تر نورو ډېرې جوړې کړې د مرتا عربینز لوبډلې لپاره په توپ اچونه کې جیمس فولکنر او ګلېسن دوه دوه لوبغاړي همدارنګه ډي جی براو یو لوبغاړی له مخې پورته کړ

مرتا عربینز لوبډلې ټاکل شوی د (۶۴) منډو هدف په اسانۍ سره بې د کوم لوبغاړي سوځېدو په پنځو اورونو کې ترلاسه کړ.
د مرتا عربینز لوبډلې لپاره په توپ وهنه کې افغان لوبغاړي حضرت الله ځاځي په (۱۲) توپونو( ۲۹) منډې جوړې کړې همدارنګه الیکسل هیلز هم (۲۷) منډې جوړې کړې.

د راجپوت لوبډلې لپاره په توپ اچونه کې سید شېرزاد، قیس احمد، کریم جنت ټایم میلس کوم لوبغاړی ونه سوځوه.

د یاد لس اوریزه لیګ په دوام همدا مهال په شپاړلسمه لوبه کې سیندیز او نارترن ویرئز لوبډلې د سیالۍ ډګر ته وتلي د افغان لوبغاړو له ډلې په دې سیالۍ کې د سیندیز په ګټه سمیع الله شینواری لوبېږي