امریکا: که ووزو هم څلور ساعته کې بیرته افغانستان ته رسیدای سو

خبریال ویب پاڼه/ بیاهم د امریکايي نظامیانو سره هغه اندېښنه چې د امریکايي ځواکونو له وتلو وروسته يې د افغانستان په هکله لري هغوی ویلي چې افغانستان لا هم زموږ مرستو ته اړتیا لري.

فرانګ مکنیزي ویلي له افغانستان د امریکايي ځواکونو له وتلو وروسته افغان پوځ هر اړخیزې مرستې ته اړتیا لري ترڅو پر خپلو پښو و دریږي.

هغه چې خپلې خبرې د سنا د دفاع جرګه ګۍ ته کولې ویلي چې په افغانستان کې د خپل سفارت د امنیت په هکله هم اندېښنه لري چې افغان ځواکونه به یې څنګه خوندي کړي.

نوموړي د الوتکو د الوت او نورو تنخنکي برخو کې د افغان پوځ د راتلوونکې په هکله اندېښنه څرګنده کړې او ویلي يې دي چې دوی مرستې ته اړتیا لري.

خو په ورته وخت کې د امریکا د دفاع وزیر په خپلو تازه ژمنو کې ویلي چې له افغانستان سره یوځای پاتیږي او له پوځیانو سره يې خپلو مرستو ته دوام ورکوي.

مکنزي یوه مهمه خبره چې وکړه و یې ویل که چیري موږ وغواړو په افغانساتن کې و اوسو د هوايي څار یا ترهه ګرۍ ضد بریدونو لپاره به افغانستان ته د وسلو بې پیلوټه او نورو جنګي الوتکو تګ تر څلورو ساعتونو  وخت ونیسی چې هلته ورسیږو.

لویډ اسټین د امریکا د دفاع وزیر بیا وویل چې  موږ له افغانستان سره خپلو مرستو ته دوام ورکوو، او د افغانستان پوځ تنخوا به هم موږ ورکړو.

امریکا به د می له لومړۍ د سپټمبر تر ۱۱ مې د خپلو سرتیرو د وتلو پروسه بشپړه وي خو  داسې ښکاري چې له بایډن څخه ماسیوا د امریکا نور سیاسون او نظامي مسؤلین په دې اقدام خوشحاله نه دي او د بایډن دې ګام ته په ښه سترګه نه ګوري هغوی وايي چې  په دې سره به امریکا راتلوونکې کې یولوی قرض پرې کړي.

خو پر افغان ځواکونو  د بارو کولو لپاره د افغان مشرانو ولسمشر او نورو چارواکو ویلي چې افغان ځواکونه دا وړتیا لري چې د خپلو خلکو او هېواد دفاع په یوازي سر په خپله وکړي.

هغوی وویل له تیرو دوه کلونو  را په دې خوا افغان ځواکونه په یوازي سر د هېواد ۹۸ سلنه امنیت په خپله نیولی عملیاتونه یې  کړي او لا به هم دوام ورکړي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More