له افغان ځواکونو د امریکا هوايي ملاتړ په هکله نوې دریځ

خبریال ویب پاڼه/ د امریکا د دفاع وزارت په خپل نوي دریځ کې د افغان ځواکونو په هکله د هوايي ملاتړ په هکله عجبه پریکړه کړې هغوی دا اعلان د امریکايي ځواکونو په درشل کې کړی.

د پنټاګون د نوي  دریځ له مخې څنګه چې افغانستان کې د امریکا جنګي  ماموریت پای ته رسیږي نو ورسره هممهاله د امریکا هوايي ملاتړ هم له افغان ځواکونو څخه پاي ته رسیږي.

د امریکا دفاع وزارت ویاند جان کربي ویلي چې له افغان ځواکونو څخه نور خپل هوايي ماموریت پای ته رسوي د ده په وینا د افغان ځواکونو  سره چې مخکې امریکايي ځواکونو هوايي ملاتړ وو، دوی يې نور پای ته رسوي.

کربي وویل دا چې امریکايي ځواکونه له افغانستانه وزي نو ورسره سم د دوی د ملاتړ بڼه هم بدلیږي او یوازي له مالي اړخه به دامریکا ملاتړ له افغان ځواکونو  څخه دوام ولري.

د نوموړي په وینا چې دوی د نویو لارو چارو په لټه کې دي چې څنګه له نویو لارو چې پوځي نه وي له افغان ځواکونو څخه خپل ملاتړ ته ادامه ورکړي.

امریکا وړاندې  ویلي وو، چې نور له افغان ځواکونو څخه نظامي همکارۍ قطعه کوي او خپل مرستې له مالي لارو څخه له افغان ځواکونو سره کوي.

که څه هم په جګړه ییز ماموریت کې له افغان ځواکونو د امریکا هوايي ملاتړ دومره موثریت نه درلود خو بیا هم فکر کیږي چې د امریکا شتون او هوايي قوت مهم وو.

له دې سره ترخوا به د افغانستان د  مهمو هوايي ډګرونو مسؤلیتونه هم افغان ځواکونو ته وسپارل سي چې تر اوسه یې چارې امریکايي ځواکونو مخ ته وړلې.

د بایډن له خبرتیا سره سم د مۍ له اولې نټې څخه د سپټمبر تر ۱۱ نېټې به له افغانستانه د امریکايي ځواکونو وتل بشپړ سي چې په دې موده کې شونې ده چې د ناټو چوکاټ کې ټول بهرني ځواکونه هم له افغانستانه ووزي.

افغان حکومت ویلي چې افغان ځواکونه پیاوړي او دامریکايي ځواکونو وتلو وروسته کولای سي چې د هېواد امنیت خوندي کړي او زیاته کړې یې ده چې دوی تر دې وړاندې هم کابو دا ټول مسؤلیت پرغاړه اخیستی او کولای سي چې له دې وروسته هم خپلې دې موخې ته دوام ورکړي