fbpx

اسیا ایمرجېنګ جام نن پیل شو

د (۲۰۱۹) کال اسیایې ایمرجېنګ جام سیالۍ نن د پاکستان او سریلانکا په کوربه توب د اته لوبډلو ترمنځ  پیل شوو په یاد جام کې اته اسیایې لوبډلې لوبېږي چې له ډلې افغانستان هند، سریلانکا عمان، پاکستان،  بنګله دېش،هانکانګ او متحده عربي  امارات شامل دي یادې اته لوبډلې په دوه ګروپونو وېشل شوي .

په( الف )ګروپ کې افغانستان،  هندوستان، سریلانکا او عمان لوبډلې شاملې دي په (ب) ګروپ کې پاکستان، بنګله دېش، هانکانګ او متحده عربي امارت لوبډلې لوبېږي.

ایمرجېګ جام د (۲۳) کلنو ځوانانو جام دی داسیالۍ پنځوس اوریزې دي چې په دوه ځایونو سریلانکا اوپاکستان هېوادونو کې نن پیل شوې د پاکستان هېواد په کراچۍ سیمه کې د( ب) ګروپ څلور واړو لوبډلو پاکستان، بنګله دېش دېش هانکانګ او متحده عربي امارات خپلې ګروپي لوبې نن ترسره کړې.

په لومړۍ ورځ  په( ب) ګروپ کې د څلور لوبډلو ترمنځ په یاد جام کې دوه لوبې په کرا چۍ کې وشوې پاکستان هانکانګ ته په (۲۲۵) منډو ماتې ورکړه، په دویمه لوبه کې متحده عربي امارات بنګله دېش لوبډلې ته په (۹۷) منډو ماتې ورکړه.

د الف ګروپ لوبډلې افغانستان،  هندوستان، عمان  او سریلانکا لوبډلې به سبا سهار نهه بجې خپلې لومړۍ سیالۍ د سریلانکا په کوللمپور کې پیل کړي.

سبا جمعه به افغان ایمرجېنګ لوبډله خپله لومړۍ لوبه د هند خلاف د افعانستان پروخت (۹) بجې د سهار پر مهال پیل کړي،  دویمه لوبه به افغانستان د شنبې په ورځ د سریلانکا او دریمه لوبه به د دوشنبې په ورځ له عمان لوبډلو سره په همدې وخت ترسره کړي.