د پاکستان او طالبانو په هکله د ولسمشر نوی سخت دريځ

خبريال ويب پاڼه/ افغان ولسمشر د هېواد يو شمېر ديني عالمان د روژه ماتې لپاره ارګ ته دعوت کړي ول او تازه څرګندونې يې کړې دي.

ولسمشر د سولې راتک ته د دولت د چمتوالي پوره ډاډ ورکړی او د هېواد د ديني عالمانو شورا غړو ته يې ويلي له طرحې بيرته تر طرحې موږ د سولې خبرو ته چمتو يو.

ولسمشر پر داسې مهال یوځل بیا د سولې خبړو ته د چمتوالي خبره کړې چې د سيمې هيوادونه لګيا دي ترڅو طالبان د ترکيې کنفرانس کې په ګډون کولو راضي کړي خو تر اوسه دا چاره نه ده بريالۍ سوې.

ارګ په خپل يوه خپاره کړي بيان کې ويلي، چې غني د افغانستان دیني عالمانو شورا غړو سره د سولې وروستیو پرمختګونو او خنډونو په هکله له دې ديني عالمانو سره خبرې کړې دي.

په دې کتنه کې ديني عالمانو د روانې جګړې په هکله وول چې دا جګړه جهاد نه دی.

په ورته وخت کې د هېواد ولسمشر محمد اشرف غني په خپلو څرګندونو کې وويل موږ سولې ته اراده طرحه او هرڅه لرو خو که بيا هم طالبان جګړه کوي هغې ته هم چمتوالی لرو.

اشرف غني يوځل بيا پاکستان مخاطب کړ او داسې اشاروي پيغام يې ورکړ چې ګواکي يا سم سوی نه يې.

هغه وويل که پاکستان غواړي چې مرکزي اسیا ته ورسېږي، باید په افغانستان کې د تلپاتې سولې ملاتړ وکړي.

نوموړي زياته کړه افغانان خپل برخلیک پخپله ټاکي او جمهوریت په خلکو پورې تړلی دی. د هیواد جمهوررئیس څرګنده کړه د اساسي قانون تهداب اسلامي شریعت دی او پکې دوه موضوعات، اسلامي هویت او د خلکو اساسي حقوق د تغییر وړ نه دي.

افغان ولسمشر پر داسې مهال‌ يوځل بيا پاکستان ته پيغام ورکړ چې موده وړاندې يې ورته ويلي وو چې د افغانستان په هکله دي دوی تصميم ونيسي دوستي يا دښمني موږ دواړو ته چمتو يو که چيري دښمني کوي لوی زيان به وويني او که دوستي کوي سلګونه کلونه به ښېرازه وي.

ښايي پاکستان له دې څخه کوم څه ټاکلي وي خو بيا هم دا هیواد دوه مخې پاليسۍ لري او غواړي چې لوبه وکړي خو دا لوبې اوس ډير وخت د پاکستان په ګټه نه تماميږي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More