ديني عالمان: د طالبانو جګړه جهاد نه دی

خبريال ويب پاڼه/ د افغانستان پر وخت ماښام د روژه ماتي پر مهال د افغانستان د عالماوو شووا غړو له افغان ولسمشر سره کتلي او خبرې يې ورسره کړې.
دوی په هېواد کې د روانو حالاتو ورستيو تحولاتو او پرمختګونو په هکله له ولسمشر سره ږغيدلي.
د افغانستان د علماو سرتاسري شورا سرپرست او د اهل تشیع علماو شورا یوه غړي وویل، د علماو مسوولیت له دین او خلکو ملاتړ او د هیواد د امنیتي او دفاعي ځواکونو د روحیې پیاوړي کول دي.
دوی دېته په اشارې چې د دښمنانو جنګ، جهاد نه دی او د سولې هیڅ راز اراده نه لري څرګنده کړه، د اسلام له نظره تروریزم محکوم دی، علما د سولې له برنامې ملاتړ کوي او اوربند د سولې لپاره څرګنده اړتیا ده.
په عمومي ډول داسې فکر جوړ دی چې د روانې جګړې د مشروعيت او رد لپاره بايد د هېواد ديني عالمان سره يولاس او پريکړه وکړي ترڅو مالومه سي چې روانه جګړه کومه موخه او حقیقت لري.
په افغاني ټولنه کې ديني عالمان له ډير لوی نفوس څخه برخمن دي او کوللی سي چې د هېواد په راتلونکي کې ښه او مثبت رول ولوبوي.
د افغانستان د جګړې په هکله د نړۍ تر ټولو لویو عالمانو مفتیانو او شیخانو خپل غبرګون ښودلی او روانه جګړه يې په بار بار تاروا او مسلمان وژنه بللې.
نړيوالو ديني عالمانو له ښکیلو لورو غوښتي چې د سولې لپاره لاس په کار سي او جګړه پای ته ورسوي.
خو طالبانو تل داسې څرګندونې د دوی په اصطلاح د دوی د جهاد د خرابي بللې او پر جګړه کولو يې ټينګار کړی.
هغوی ويلي چې د نورو هېوادونو عالمان افغانستان کې په حلاتو خبر نه دي او يوازي فتواوي ورکوي.
خو دا ځل افغان ديني عالمانو د ډې جګړې په هکله غبرګون ښودلی.
په وړته وخت کې افغان ولسمشر هم تازه څرګندونې کړې چې طالبان او پاکستان يې مخاطب کړي
ولسمشر د سولې راتک ته د دولت د چمتوالي پوره ډاډ ورکړی او د هېواد د ديني عالمانو شورا غړو ته يې ويلي له طرحې بيرته تر طرحې موږ د سولې خبرو ته چمتو يو.
ولسمشر پر داسې مهال یوځل بیا د سولې خبړو ته د چمتوالي خبره کړې چې د سيمې هيوادونه لګيا دي ترڅو طالبان د ترکيې کنفرانس کې په ګډون کولو راضي کړي خو تر اوسه دا چاره نه ده بريالۍ سوې.
ارګ په خپل يوه خپاره کړي بيان کې ويلي، چې غني د افغانستان دیني عالمانو شورا غړو سره د سولې وروستیو پرمختګونو او خنډونو په هکله له دې ديني عالمانو سره خبرې کړې دي.