ماسکو کې د سولې بله غونډه څوک پکښي ګډون کوي؟

خبریال ویب پاڼه/ ویل کیږي چې نن یو ځل بیا ماسکو کې د افغان سولې پر تړاو  غونډه جوړیږي او افغان دولت اعلان کړ چې دې غونډه کې به ګډون کوي.

د ماسکو دا غونډه هم خورا پراخه او درې اړخیزه غونډه ده ده چې نن تمه ده نن به جوړه سي دا غونډه د ترکیې کنفرانس وړاندې یوځل بیا جوړه سوه.

درې اړخیزه غونډه په دې معنی چې دا پارمټ چین، روسیه، امریکا او پاکستان دی دی او نن به د سولې اړوند کنفرانس کې چې ماسکو کې جوړیږي پروګرام برخه وي.

د افغانستان د بهرنیو چارو وزارت ویلي چې افغان حکومت به د سولې اړوند په هر جوړیدونکي کنفرانس ګډوون کوي او خپله نظریه به وړاندې کوي.

روسیې رسنیو راپور ورکړی چې په دې لوی کنفرانس کې زلمی خلیلزاد، د روسیې چین او پاکستان د افغانستان لپاره ځانګړي استازي برخه اخلي.

وړاندې له دې چې دا کنفرانسونه جوړ سي روسیې د افغان سولې په پروسه کې د لويي ونډې مرستې ږغ کړی وو او زیاته کړې يې وه چې د افغان سولې لپاره خپلې همکارۍ جاري ساتي.

د روسیې دا دویم کنفرانس په داسې حال کې د افغان سولې پرتړاو جوړیږي چې له افغانستانه د بهرنیو سرتیرو وتل پیل سوي  او دا پروسه به تر راتلوونکي سپټمبر میاشتي پوري بشپړه سي خو لاهم د ورکې سولې کوم څرک نسته.

د افغان سولې پر تړاو د ترکيې جوړیدونکی کنفرانس چې خورا ډیر مهم وو، تراوسه يې  د جوړیدلو څو ځله هڅه وسوه خو د سولې دا رغیدونکی کنفرانس تراوسه پوري نه دی جوړ سوی چې یوازنی لامل يې همدا د طالبانو نه ګډون دی او کیدلای سي چې لاهم یاد کنفرانس و ځنډیږي تراوسه پوري د یو شمېر هېوادونو هڅه روانه ده ترڅو طالبان دې ته راضي کړي چې د سولې په جوړیدونکي ترکیې کنفرانس کې ګډدون وکړي خو دوی لاهم بریالی سوي نه دي،

د روسیې اوسني کنفرانس د موادو په هکله څه نه دي  ویل سوي خو داسې مالومیږي چې دا کنفرانس به د همغږي او د ترکیې کنفرانس ته د چمتوالي او یاهم د مشورو کنفرانس وي چې سیمه ییز هېوادونه به د یوې ټولشموله اجماع رامنځ ته کیدلو لپاره بحث وکړي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More