پکتیا کې د جلغوزیو ځنګلونو د بیا احیا لپاره هڅې ګړندۍ شوي

د پکتیا د کرنې، اوبولګولو او مالدارۍ ریاست وایي، چې دوی په دې ولایت کې د جلغوزیو د ځنګلونو د بیا احیا لپاره هڅې ګړندۍ کړې دي.

د یاد ریاست مسولین وایي، چې په دې ولایت کې د جلغوزیو د ځنګلونو د بیا احیا لپاره د ځاځي اریوب ولسوالۍ په منډهیېر قوریه کې په پلاستیکي کڅوړو کې ۲۰ زره جلغوزي کرلي دي، چې په دریو کلونو کې به اصل کر ته اماده او ددې ولایت د جلغوزیو ځنګلونو د بیا احیا په پار به ورڅخه ګټه پورته کیږي

پکتيا د افغانستان د جلغوزیو او چارمغزو د ځنګلونو له برخمنو ولايتونو څخه دي، چې د دغو ځنګلونو یوه برخه له منځه تللې، خو اوس د کرنې وزارت د جلغوزیو ځنګلونو د بيا احيا کولو په هڅه کې دي.

دا په داسې حال کې ده چې  څه موده وړاندې د جلغوزو او نورو توکو د صادرولو په موخه له چین هېواد سره هوایي دهلېز پرانیستل شو چې له لارې یې د افغانستان جلغوزې په لومړي وار په خپل نوم او مناسب قیمت یوه بهرني هېواد ته ولېږل شوې