هرات کې د ملي اردو ۱۴ سرتیري وژل شوي

د هرات ولایتي چارواکي وايي، تیره شپه وسله والو طالبانو د دغه ولایت د زاول په ولسوالۍ کې د ملي اردو پر یوه پوسته برید کړی، چې د برید وروسته په دغه پوسته کې د دیرشوڅخه له زیاتو میشتو سرتیرو سره اړیکې يې پرې شوي دي.

د تیرې شپې په نښتو کې د ملي اردو ۱۴ سرتیري وژل شوي او د څلورو ټپي سرتیرو په ګډون شل نور سرتیري د وسله والو طالبانو له خوا نیول شوي دي.

د طالبانو ویاند ذبیح الله مجاهد د خپل ټویټر په پاڼه د دغې جګړې په اړه ویلي، چې د تیرې شپې په جګړه کې د ملي اردو سرتیرو ته د مرګ ژوبلې سربیره طالب وسله والو د ملي اردو شل سرتیري ژوندي هم نیولي دي.طالبانو د دغو نیول شوو سرتیرو یو لنډه ويډیو هم خپره کړې ده.

دا په داسې حال کې ده چې څو ورځې وړاندې
د هرات  په پښتون زرغون ولسوالۍ کې د وسله‎والو طالبانو په برید کې درې ملکیان او یو سیمه‎ییز پولیس هم وژل شوی  و.