پخوانی ګواښ د مي ۱ نېټه بهرنیانو په نښه کوو، نن د طالبانو غیرت مالومیږي

خبریال ویب پاڼه/ د طالبانو او امریکا د هوکړي له مخې باید نن ټول امریکايي او بهرني سرتیري په افغانستان کې نه وای خو دوی نن خپل وتل په رسمي ډول سره پیل کړل.

طالبانو یو وخت په خپله اعلامیه کې ویلي وو، که د مي تر لومړۍ نېټې ټول بهرني سرتیري له افغانستانه ونه وزي نو دوی به پرې خپل خونړۍ بریدونه پیل کړي خو تراوسه هیڅ نه ښکاري چې د طالبانو ژمنې په ګوته کړي.

نن د امريکايي ځواکونو وتل له افغانستانه په رسمي ډول سره پیل سو او ورسره هممهاله د لته د نورو بهرنیو هېوادونو عسکرو هم په وتلو پیل کړی ناټو ویلي چې له امریکا سره یوځای رالي او یوځای ورسره ځي.

د طالب او امریکا د معاهدې پوره ۱۴ میاشتي وزي خو دومره ژمن پاتي سوي چې هیڅ برید يې پر بهرنیانو نه دی کړی.

یوې بهرني رسنۍ د طالبانو د ژمنتیا په هکله ویلي چې طالبانو پوره ۱۴ میاشتي په افغانستان کې د میشتو بهرنیو سرتیرو ساتنه وکړه او ورباندې برید يې ونکړ خو  افغانان يې ووژل.

اوس طالبان څه کوې د قطر دفتر ویاند ډاکټر محمد نعیم وویل چې د طالبانو لپاره لارې خلاصي دي او دوی به د هېواد د دیني اوملي ارزښتونو په رڼا کې پریکړه وکړي خو دومره جرت یې ونکړ چې ووايي حتمي به جګړه کوي  ځکه دوی په مخکنیو ژمنو کې ویلي وو، چې حتمي به د سرغړونې په صورت کې پر امریکایانو بریدونه کوي دوی خپله اعتراف کوي چې بایډن اوامریکا سرغړونه کړې ده خو ولې جهاد یوازي افغانانو سره کوي؟

راپورونه وایي چې  نژدې د افغانستان په ټولو ولایتونو کې دا مهال تاوتریخوالی زیات سوی او طالبانو پر افغان ځواکونو او ملیکانو خپلو بریدونو ته دوام ورکړی او له یوه مخه يې په نښه کوي خو امریکایان کرار ناست دي.

د مهال ویش سره سم به نن دامریکا له لوري د خپلو سرتیرو وتل په رسمي ډول سره پیل سي چې  د راتلوونکي سپټمبر میاشتي تر لومړۍ نېټې پوري به دوام وکړي.

دوی طالبانو ته ویلي که چیري يې پر سرتیرو برید وسي نو له سخت غبرګون سره به مخ سي ځکه دوی ته د خپلو سرتیرو ژوند ارزښت لري