په ټوله نړۍ کې افغانستان خوابدی هېواد اعلان شو

افغانستان خوابدی هېواد اعلان شو

د خوشحالۍ په اړه هغه کلنی راپور، چې په ۱۴۹ هېوادونو کې د ملګرو ملتونو په همکارۍ جوړ شوی، افغانستان پکې وروستۍ ځای لري یانې افغانان تر نورو زړه تنګي دي.
په افغانستان کې جنګ، لوږه، فقر، زورزیاتی، تاوتريخوالی او داسې ګڼ نور لاملونه دي، چې افغانستان د نړۍ تر ټول خوابدی هېواد ونومول شو.
علتونه:
جنګ
په افغانستان کې روان جنګ خلک دومره تنګ کړي دي، چې هېڅ يې په خوله خندا نه راځي، دا ځکه چې دلته هر ورځ په سوونه انسانان تر خاورو لاندې کېږي او داسې نور د کټ کېږي.
افغانستان کې وروستيو جګړو، د ګڼو افغانانو ژوند واخيست او لا هم دا لړۍ په چټکۍ سره روانه ده.

غربت
په افغانستان کې د غربت او عريبۍ له وجهې د هېچا په خوله خندا نه راځي.
خلک وږي دي، کار روزګار نشته، که وي هم نو دومره وي، چې ايله يې دوه وخته پرې کار وشي او یا نهر څملي.
ډېری ځوانان خوشې ګرځي، دوی وایي چې کار نشته او حکومت رانه په دندې په بدل کې لکونه رشوت غواړي، نو ځکه مو دا حال دی.

وسله والې ډلې

افغانان تر هر څه امن او سولې ته اړتیا لري، که سوله وشي؛ نو بیا نور هرڅه ممکن دي.
خو په افغانستان کې وسله والې ډلې خورا زياتې دي، چې روان حالت او وضعيت يې نتيجه ده.
دغه وسله والې ډلې په زور له افغانانو هر څه اخلي، وژني يې او پر مال ترې قبضه اچوي، خو حکومت د دې ډلو په مقابل کې پاتې راغلی.
همدا ډلې د ورځې ډېری افغانان په شهادت رسوي، مېندې کونډوي، زامن بې پلاره کوي او خویندې بې ورونو کوي.
دا هم يو بل علت دی، چې افغانان په نړۍ کې خفه خلک اعلان شوي.

راپور:  ع.ځلاند

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More