fbpx

افغانستان XI لوبډلې د تمریناتو پر مهال (MRC) کلب ته ماتې ورکړه

د هند په چنای ښار کې افغان لوبډله له څو اونیو راهیسې په تمریناتو بوخته ده د د افغان کرکټ بورډ پر وینا افغان لوبډله د ( ۲۰۱۹) کال نړیوال جام لپاره د چمتو والي په موخه په تمریناتي کمپ مصروفه ده افغان لوبډلې د تمریناتو پر مهال د ځایې کلبونو سره هم سیالۍ ترسره کړې چې ټولې یې ګټلې دي

نن افغان یوولس کسیزې لوبډلې د تمریناتو په موخه د چنای ښار یو ځایې کلب( MRC) لوبډلې سره سیالۍ ترسره کړه په دې سیالۍ کې افغان لوبډلې په ستر توپیر( MRC )کلب ته ماتې ورکړه.

د لوبې پچه افغان لوبډلې وګټله او لومړی یې توپ وهنه پیل کړه افغان( XI) لوبډلې (MRC) ته د (۲۴۱ )  منډو هدف وټاکه.

د افغان لوبډلې لپاره په توپ وهنه کې اصغر افغان (۵۷) شرف الدین اشرف( ۵۳) حشمت الله شهیدي (۴۱) او عثمان غني( ۲۹)  ډېرې منډې جوړې کړې.

د (۲۴۲) منډو هدف پر ځواب کې( MRC ) لوبډلې ټولې (۹۶) منډې جوړې کړې او سیالي یې افغان XI لوبډلې ته یې (۱۴۴) منډو باندې سیالي وبایلله.

د افغانستان لپاره په توپ اچونه کې یمین احمدزي پنځه لوبغاړي وسوځول، شرف الدین اشرف( ۳) لوبغاړي وسوځول سمیع الله شینواري او ګلبدین یویو لوبغاړی وسوځوه.

افغانستان( XI) په دې تمریناني سیالۍ کې( MRC)  کلب ته ماتې ورکړه.