ټرمپ نور صبر رانه نه کېدل او شخصي ټولنيزه رسنۍ مې جوړه کړه

ټرمپ يوځل به یو ځل بيا په ټولنیزو رسنیو کې زړه ور تش کړي

د امریکا متحده ایالاتو پخواني سرتنبه ولسمشر ډونالډ ټرمپ ځانته ځانګړې ټولنیزه رسنۍ فعاله کړه.

نوموړي د دې رسنۍ د فعالولو ژمنه څو میاشتې وړاندې کړې وه، چې اوس یې عملي کړه.
د فاکس نیوز د راپور په اساس، ټرمپ د جمهوري ریاست د دورې په وروستیو کې د مختلفو ټولنیزو رسنیو له لوري تحریم شو.

د بېلا بېلو رسنیو له لوري د نوموړي اکونټونه وتړل شول، ځکه دی یې د واک پر سر د ناندریو لپاره د تاوتریخوالي په خپرولو تورنوه.
ټرمپ، چې ان ولسمشرۍ ته د لومړي ځل ودریدو له وخته یې رسنیو سره ترینګلې اړیکې لرلې، د اکونټونو له تړل کیدو وروسته یې ځانته د جلا ټولنیزې رسنۍ د فعالولو خبر ورکړی و.

هغه د خپلې تازه فعاله کړې ټولنیزې رسنۍ په اړه ویلي، چې په دې رسنۍ کې د خبرو او بحثونو لپاره ازاده فضا موجوده ده او څوک پکې د چا مزاحمت نه شي کولای.

تازه دمه ټولنیزه رسنۍ، چې تراوسه یې زیات جزیات نه دي رسنیز شوي، ښاغلي ټرمپ ته د خپلو پیغامونو، عکسونو او ویډیوګانو د عمومي کولو موقع برابروي.

د نورو رسنیو کارونکي کولای شي، چې د ټرمپ له لوري خپاره شوي مطالب په فیسبوک او ټویټر کې شریک کړي.

ښاغلي ټرمپ خپلو پلویانو ته د ولسمشریزو ټاکنو له بایلللو وروسته د اعتراضونو امر وکړ، چې په غبرګون کې یې ټویټر، فیسبوک، انسټګرام، یوټیوب او اسنپ چټ ټولنیزو رسنیو د نوموړي اکونټونه ور وتړل.

دغو رسنیو د دې کار دلیل دا وښوده، چې ټرمپ له دغو رسنیو څخه خپل تاوتریخجن پيغامونه خپرول.

نورو ټولنیزو رسنیو د څه موده بندیز وروسته د ټرمپ اکونټونو ته د بیا فعالیت اجازه ورکړه، خو ټویټر ټولنیزې رسنۍ د تل لپاره د نوموړي د اکونټ تړلو خبر ورکړ.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More