غني: د طالبانو۵۰۰۰ بندیانوخوشې کولو ته ژمن نه یو

خبریال ډاټ کام/ د افغانستان ولسمشر محمد اشرف غني نن په یوه خبري ناسته کې وویلې، چې د طالبانو د پنځو زرو بندیانو د خوشي کولو په اړه هېڅ راز ژمنه وجود نه لري.

هغه ویلي ، چې په همدې اساس افغان حکومت په ځلونو له زلمي خلیلزاد سره په خبرو کې ویلي،چې د طالبانو د زرګونه بندیانو ازادولو ته ژمن نه دي او په دې اړه به په بین الافغاني خبرو کې بحثونه کېږي.

غني په خپلو خبرو کې زیاته کړه، د زندانیانو ازادول د امریکا صلاحیت نه دی.

نوموړی وایي  دا کسان د افغان حکومت په بند کې دي او افغان حکومت به یې په اړه پرېکړه کوي.

ولسمشر غني په دې ټینګار وکړ، چې دا کار د امریکا په صلاحیت کې نه دی او دا هر څه په افغان حکومت پورې اړه لري.

افغان ولسمشر غني په دې خبري کنفرانس کې همدا راز ویلي، چې د اورکم موده به غځول کېږي او اوربند به رامنځ ته کېږي.

غني دغه راز د بین الافغاني خبرو د پلاوي د صلاحیت په اړه وویل، چې دوی به قوانینو او د افغانانو حقوقو ته درناوی کوي خو وروستۍ پرېکړه به افغانان کوي.

هغه په خپلو خبرو کې د جمهوریت پر دوام ټینګار وکړ او په خبره یې د نظام تغیر د یوې ډلې یا څو کسانو د خبرو صلاحیت نه دی او په دې اړه ولس خپله پرېکړه کوي.

ولسمشر غني داسې مهال د ۵۰۰۰ بندیانو د خوشې کولو په اړه غبرګونو ښيي، چې تازه تیره ورځ د قطر په مرکز دوحه کې د امریکا متحده ایالت او وسله والو طالبانو ترمنځ د سولې هوکړه لاسلیک شوه.

د دې هوکړې له لاسلیک یوه اونۍ وړاندې د اورکم اونۍ اعلان شوې وه ، چې پراساس یې دا هوکړه لاسلیک شوه.

په هوکړه کې د بین الافغانی مذاکراتو له پيل وړاندې د ۵ زرو بندیانو د خوشې کولو یادونه شوې، چې ۱۰۰۰ یې د طالبانو له زندانونو او ۴۰۰۰ یې له افغان زندانونو خوشې کیږي.

خو ولسمشر غني وایي، چې دکلکې ژمنې د نشتون له امله دوی ژمن نه دي، چې دا بندیان خوشې کړي.

بل لورته وسله والو طالبانو د افغان ولسمشر غني د دې خبرو په غبرګون کې تراوسه څه نه دي ویلي.

په هوکړه کې له افغانستان نه د بهرنیو ځواکونو د وتلو خبره هم شوې ده خو ټرمپ تازه ویلي، چې که طالبان د هوکړې له مواردو سرغړونه وکړي دوی به بیرته راستانه شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum