محمود خان طالبانوته: د افغانانو نسل وژنه بنده کړئ

خبریل ویب پاڼه/ په کویټه ښار کې د پښتونخوا ملي عوامي ګوند مشر محمود خان اڅګزي په خپلو نویو څرګندونو کې د افغان جګړې په هکله د اندېښنې په ښودلو له طالبانو د جګړې دردیدلو غوښتنه کړې.

هغه ویلي افغانستان کې دي طالبان د افغانانو له نسل وژنې لاس واخلي او د سولې لورته دي ولاړ سي، هغه د افغانستان جګړه خورا خطرناکه بللې او زیاته کړې يې ده چې دا هغه جګړه ده چې ټولې نړۍ پکښي برخه اخیستې خو لاهم نه ده خلاصه سوې.

ده د افغانستان ګاونډیانوته په اشارې وویل چې پرې فشارونه باید زیات سي ترڅو د افغان سولې په برخه کې مرسته وکړي او که چیري داسې ونه سي نو د افغانستان د نامنۍ له امله به پاکستان ایران او ان هندستان هم د امن خاوند نه سي.

اڅګزي د پښتنو په وړاندې د خراب وضعیت یادونه وکړه او ویې ویل چې په نړۍ کې د قوانینو له مخې اوس حیوانات لا په شما ښکار کیږي خو د پښتون نسل وژنه روانه ده.

د نوموړي له انده هغه وخت به نړۍ او افغانستان امن کیږي کله چې له افغانستان د ګاونډيانو د مداخلې لاس لنډ او افغان ځواکونه تکړه او پیاوړي سي.

هغه په خپلو خبرو کې د پښتون ژغورنې غورځنګ مشر علی وزیر د زنداني کیدلو په هکله هم غبرګون وښود او زیاته يې کړه چې وزیر په رښتیا ویلو باندې زنداني او سزا ورکول کیږي که چیري هغه خوشي نه سي نو موږ د هغوی له ملګرو سره یوځای کیږو او خپل  ږغ لوړوو.

په عمومي ډول محمود خان د پاکستان هغه اقدام ته چې پر ډیورنډ باندې اغزن تار تیروي غبرګون وښود او زیاته يې کړه چې د دوی دا هڅې پښتانه قومونه یو له بل سره نه سي بیلولای.

پاکستان کوښښ کوي  چې د ډيورنډ کرغېړنې  کرښې باندې ازغن تار تیر کړي او د لته میشت  یو قوم دوه ټوټي کړي خو پاکستان به په خپله دې موخه کې هیڅ کله بریالی نه سي.

محمود خان پر داسې مهال د طالبانو جګړې ته غبرګون ښودلی چې تازه د افغانستان په یو شمېر ولایتونو ې درنې جګړې روانې او پرمهال يې ګڼ شمېر افغانانو ته مرګ ژوبله اوښتې

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More