د خطرونو اټکل، د القاعده بیرته پورته کیدل، د طالب او پاکستان اړیکي

خبریال ویب پاڼه/ موده وړاندې د امریکا د کانګرس غړو ولسمشر جوبایډن ته په یوه لیک کې هغه اندېښنې چې دوی د افغانستان په هکله او د دې هېواد د راتلوونکې په هکله درلودې شریکي کړې خو تراوسه پوري ښايي بایډن هغه لیک کتلی لا نه وي ځکه ځواب یې نه دی ورکړی.

له همدې امله د کانګرس یو شمېر غړي په غوسې سره وایي چې د دوی اندېښنې لاهم د افغانستان په هکله موجود دي دي او بایډن تراوسه پوري د دوی اندېښنو ته ځواب نه دی ویلی.

د دې هېواد د کانګرس یوه غړي ویلي دوی بایډن ته مستقیما یو لیک ولیږه او پکښي يې د افغانستان په هکله خپلې اندېښنې لیکلې وې خو تراوسه یې د هغه لیک ځواب ترلاسه کړی نه دی.

بايډن ښآيي د سرتیرو وتلو پریکړې وروسته داسې ډیر لیکونه په کور دننه امریکاو او افغانستان څخه هم ترلاسه کړي وي خو د ځواب ویلو په هکله د یوه لیک په بارکې هم څه نه دي ویل سوي.

د کانګرس یوه غړي جېم لانجېون په خپلو تازه څرګندونوکې د هغه لیک چې دوی بایډن ته د ځواب ویلو په موخه استولی وو، وول موږ تراوسه د خپلو اندېښنو د ځواب ویلو په هکله بیرته لیک نه دی ترلاسه کړی، د کانګرس دې غړي له دې  سره سره چې د افغانستان په هکله اندېښنه لري د بایډن د سرتیرو ایستلو پریکړه ناسمه وبلله او زیاته یې کړه چې دا کار به جګړه ختمه نه کړي.

د جېم له انده که چیري امریکايي او بهرني ځواکونه ټول له افغانستانه ووزي نو طالبان د واک ترلاسه کولو لپاره جګړه کوي او غواړي چې ییرته واک ته ورسیږي.

د نوموړي له انده د امریکایي سرتیرو وتلو پریکړه داسې سوې چې د سرتیرو وتلو په هکله هیڅ عواقب نه دي ارزول سوي او د ټولو مسایلو په هکله بې پروايي سوې.

جېم د طالبانو او پاکستان له اړیکو هم پرده پورته کړه او طالبان يې تورن کړل چې اوس هم له القاعده سره پخې اړیکې لري د جیم په خبره د یوې څېړنې له مخې ویل سوي چې ښايي له ۱۸ څخه تر ۳۶ میاستو پوري القاعده بیرته پر خپلو پښو و دریږي او خپله مبارزه یوځل بیا پیل کړي چې سیمې او امریکا ته به ګواښ وي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More