فضا ته د انټرنېټ لپاره ۶۰ سپوږمکۍ فضا ته ورسول شوې

خبریال وېبپاڼه/ سپېس ایکس د سټارلینک ۶۰ سپوږمکۍ د مځکې مدار ته یووړې او په دې ډول یې په فضا کې د انترنیټ لپاره د سپوږمکیو شمېر یوزرو ۷۳۷ ته ورسېد.

سپېس ایکس په فالکن ۹ توغندي وروستۍ ۶۰ سپوږمکۍ ولېږلې.
له توغېدو ۹ دقیقې وروسته د توغندي لومړۍ برخه مځکې ته راوګرځېده.
دغه توغندی، چې مخکې یې هم دوهمه برخه یو ځل فضا ته توغول شوې وه، په فلوریدا کې د کیپ کاناورال له فضايي مرکزه د مځکې مدار ته لاړ.
دا په روان ۲۰۲۱ م کال کې شپاړسم ځل دی چې سپېس ایکس توغندی توغول کېږي.
له بلې خوا دا په ۴ اوونیو کې د سټارلینک سپوږمکیو د لېږلو څلورم عملیات دي.
دا مهال سټارلینک پروژه په ازمېښتي ډول د ځینو سیمو لپاره چټک انترنیټ برابروي.
په پام کې ده چې له دې لارې د نړۍ ټولو سیمو ته، که هغه غر وي یا سمه، چټک انترنیټ برابر شي.
دا چې د انټرنېټ په نړۍ کې دغه بېساری اقدام به په افغانستان کې څومره پر انټرنېتې خدمتونو اغېز وکړي، وروسته به مالومه شي، خو دا مهال په افغانستان کې خلک د انټرنېټ له اړخه سختو ستونزو سره مخ دي.
د هېواد په یو شمېر سیمو کې لا عادي مخابراتي خدمتونه شتون نه لري، د انټرنېټ خدمتونه لا لیرې خبره ده.
د بلې هرې برخې په څېر دلته د ټکنالوژي د پرمختګ او عامېدو د مخنیوي یوازېنی لامل هم جګړه ده او که ودرېږي، افغانستان به په کم وخت کې په مختلفو برخو کې له نړۍ سره سیال شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More