ټولګټو وزارت ۳۷ تنه په فساد ککړ کسان څارنوالۍ ته معرفي کړي
خبريال ويبپانه/ د ټولګټو وزارت له خوا په خپره شوه خبرپاڼه کې ويل شوي چې ددې وزا رت د نوي رهبرۍ له لوري يوازي په تيرو شپږو مياشتو کې ددې وزارت اړوند ۳۷ تنه په فساد ککړ کسان څارنوالۍ ته ور پېژندلي دي.
په خبرپانه کې ویل شوي چې ياد کسان د يوې پروژې له عادي سروې کوونکي څخه نيولي بيا د مرسيال وزير(معين) تر کچې پورې کسان په کې شامل دي.
خبرپانه زياتوي چې د ټولګتو وزارت رهبري له فساد سره کلکې مبارزې ته ژمنه ده او په دې برخه کې يې ګڼې لاسته رواړنې درلودې د هغوی په وینا ياد وزارت اوس مهال د داخلي تفيش د وړتياوو د غښتلتيا او پیاوړي کولو په موخه يو روزنيز کورس پیل کړی دی تر څو د راتلوونکي لپاره ځوان څیړونکي وروزې او په دې سره په ياد وزرات کې د فساد سره مبارزه کوټلې اوګړندۍ کړي.
وړاندي ويل شوي دي چې د کورس پرمهال به ځوان مفتيشونو او ادارې کارکوونکو ته د قوانينو، مقرورو او طرزالعملونو د عملي کولو لپاره او هغو لارو چارو ښودنه کيږي چې د فساد پر وړاندي د مبارزي لپاره کارول کيږي.
په خبرپاڼه کې دا هم ويل شوي چې ټولګټو وزارت نه يوازي دا چې ۳۷ کسان څارنوالۍ ته ورپيژندلي بلکي د ياد وزارت له لوري د ملکي خدمتونه د قانون له مخې ۵۳ تنه کسان تاديب شوي چې په هغو کې د معاش کميښت ، اخطاريه، درج سوانح او معاش ته تمه شوي دي د خبرپاڼې له مخې اوس مهال د ټولګټو وزارت د داخلي تفتيش له خوا ۳۷ نوري قضیي هم تر څيړنې لاندي چې په نږدي راتلونکې کې به هم د هغه کسانو نوملړ هم له رسنيو سره شريک شې چې په فساد تورن دي .
هېره دې نه وي چې د ټولګټو وزارت له لوري دا لومړی ځل نه دی چې د فساد پر ضد داسې کوټلي ګامونه اخلي بلکي څه موده مخکې هم د ياد وزارت د وزير له لوري په یوه ورځ د ټول هيواد د تلو۱۶۸ کارکوونکي او کارمندان د فساد او په دندو کې د ناعيړۍ له امله له دندو ګوښه او وشړل شول.
بايد وویل شې چې اوس مهال په ټوله نړۍ کې افغانستان په هغو هېوادونو کې لومړی مقام لري چې ډير فساد او رشوت پکې شتون لري.
افغانان نه يوازي له فساد سره مخ دي بلکي په دې هېواد کې فقر، بېوزلي او جګړه هغه لاملونه دي چې هره ورځ د افغانانو ژوند ګواشې.
اوس مهال تر ټولو ستره ستونزه په افغاتستان کې جګړه ده چې د افغانستان ټول بنسټونه يې وران کړي دي او تر ۷۰ سلنه ډیره بودېجه په جګړه مصرفيږي.