درې اړخیزه ناسته، د زور له لارې حکومت نه منو اوربند او نوې پریکړي

خبریال ویب پاڼه/ افغانستان، چین او پاکستان درې اخیزه ناسته چې  د بهرنیو چارو وزیرانو له لوري په ویډیويي شکل ترسره سوه پکښي پر مهمو موضوعاتو بحث او خبرې سوې.

په دې ویډیو یي کنفرانس کې  چې د دریو واړو هېوادونو بهرنیو چارو وزیرانو ګډون کړی وو، د افغان سولې د بهیر پر چټک والي او دې ته ورته نور مواردو په هکله مفصل بحث سوی.

تراوسه پوري د افغانستان چین او پاکستان ترمنځ درې نورې درې اړخیزه ناستې سوې  چې په دې ناسته سره یې دا څلورمه سوه چې یو له بل سره یې بحثونه کړي دي.

د ناستي وروستۍ برخه کې درې اړخیزه پریکړه هم رامنځ ته سوې او د یوې اعلامیې په توګه وړاندې سوې چې مهم موارد يې په افغانستان بې ثباتي د ټولې سیمې بې ثباتي بلل سوې او ویلي يې دي چې د افغانستان جګړه ټوله سیمه اغیزمنه کوي همدارنګه اعلامیه وايي چې د دې ستونزو په پام کې نیولو سره ګډو هڅو ته اړتیا ده، د درې واړه هېوادونو له لوري په خپره سوې اعلامیه کې پر دې ټینګار سوی چې باید په افغانستان کې دایمې اوربند رامنځ او روانې جګړې ته د پاي ټکی کښېښودل سو.

په ورته وخت کې د سولې اوسنۍ خبرې یو فرصت بلل سوی او ویل سوي چې حکومت او طالبان باید له دې فرصته په ګټې اخیستنې سره د سولې خبرو ته دوام ورکړي.

د  پاکستان او چین رول

چین د بحث یوه کوچنۍ برخه خو پاکستان د ټول بحث هسته ګڼل کیږي که څه هم امریکا او نورو هېوادونو د سولې په خبرو کې پاکستان منزوي کړی خو که چیري دا هېواد په رښتیني ډول وغواړي چې د سولې پروسه کې مرسته وکړي او یاهم امریکا او متحدین یې پرې فشار زیات کړي نو لیري نه ده چې دا هېواد به پر طالبانو د پوره نفوس لرلو له امله وکړای سي چې د جګړې پای ته رسولو او اوربند راتګ په برخه کې مثبت تمام سي خو پاکستان په مقت ډول داسې هیڅ نه کوي او غواړي د هرڅه  په بدل کې یو منفعت ترلاسه کړي چې په اوس وخت کې افغانستان پاکستان ته د منفعت په ورکولو کې پاتي راتلای سي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More