fbpx

د قادر خان زوی د خپل پلار د مړینې رپوټونه رد کړل

د یکشنبې په ورځ ځینو رسنیو د قادر خان د مړینې راپورونه خپاره کړل خو د نوموړې زوی سرفراز خان د خپل پلار د مرګ راپورونه رد کړل. د قادر خان زوی وايي، پلار یې ژوندی او روغتون کې دی، خو په تیرو څو ورځو کې یې روغتیايي وضیعت په خرابیدو دی. د نوموړې په وینا هغه بې هوښه او خپله ساه نه شي اخیستلی چې دا مهال نوموړې په مصنوعي تنفس پايي.
قادر خان په ۱۹۳۷ م کال په کابل کې زیږیدلی . پلار یې عبدالرحمن اصلا د کندهار او مور یې اقبال بیګم د پښین وه. قادر خان درې وروڼه لرل، شمس الرحمن، فضل الرحمن او حبیب الرحمن. هغه په خټه کاکړ، پښتون دی. قادر خان په سینما کې د کار کولو له کبله ډیرې جایزې او ایوارډونه هم تر لاسه کړي. زیاتره یې یا په فلمونو د بهترینې کومیډۍ او یا د ښه ډیالوګ لیکلو له کبله تر لاسه کړي.