کندهار: ارغنداب د طالبانو په لاس وران شوي پل د جوړیدو چارې پيل شوې

خبریال ویب پاڼه/ د افغانستان ټولګټو وزارت په یوه بیان کې ويلي چې د ارغنداب ولسوالۍ کې د وران شوي پل رغنيزې چارې پیل شوې چې په چټکۍ سره به تر سره شي.

ياد پل چې د تیري  وري مياشتې پر ۴ نېټه ارغنداب ولسوالۍ کې د وسلوالو طالبانو له لوري تخريب او وران شوی وو، چې د افغانستان د ټولګټو وزارت له لوري په پاخه او اساسي ډول سره رغول کيږي  او نن يې رغنیزې چارې پيل شوې.

دعه پل ۱۷۲ متره اوږدوالی او ۱۰ متره پلنوالی لري چې  د طالبانو له لوري يې څلويښت متره برخه تخريب شوې وه او خلک يې له زیاتو ستونزو سره لاس او ګرېوان کړي ول.

کندهار ارغنداب ولسوالۍ چې د دې ولايت له حاصل خيزه او اقتصادي ولسوالیو څخه ده د دې پله په جوړولو سره به د افغانستان د انارو د حاصلاتو دا مرکز بيرته پر خپلو پښتو ودريږي او خپلې پخوانۍ ښکلا ته به وګرځيږي له وړاندې خلکو د ارغنداب ولسوالۍ د دې تخریب شوي پل د جوړیدلو غوښتنه کوله.

د افغانستان د ټولګټو وزارت ويلي چې لومړيتوب يې دا دی ترڅو خلکو ته د دې پله په جوړيدلو سره اسانتیاوي  برابرې او د دوی د غوښتنې سره سم په کندهار ولایت کې د لارو جوړولو ته پاملرنه وکړي .

د کندهارارغنداب ولسوالۍ

د کندهار ارغنداب ولسوالۍ د کندهار له ښکلو او مهمو و ولسواليو څخه ده چې په وروستيو مياشتو کې پکښې درنې جګړې وشوې او په پایله کې يې د لويي لارې پر سر يو شمېر  پل چکونه او دغه لوی پل د طالبانو له لوري تخریب شو چې اوس به بیرته جوړ شي.

د‌ کندهار ولايت د نا امنیو پيل له همدې ولسوالۍ وشو خو په دې وروستيو کې د افغان دولت له لوري ارغنداب کې عملیات وشوه او طالبانو له شتون څخه دا ولسوالۍ پاکه شوه، چې اوس پکښي رغيزي چارې پيل شوې.

د ټولګټو وزارت ویلي چې دا پل د کار له پيل سره يوځای ډير ژړ رغول کيږي چې د خلکو ستونزې په ښه ډول سره حل شي او په هغه ځایونو کې چې د پل یاهم پل چک جوړولو اړتیا وي دوی به یې ورغوي.

طالبان ولې لويي لارې او پلونه تخريب کوي؟

تراوسه پوري د افغانستان په زيات شمېر ولایتونو کې د طالبانو اؤ افغان ځواکونو ترمنځ سختې جګړې وشوې چې پر مهال يې طالبانو ډيری عامه تاسیسات وران کړي او لا یې هم دوام ورکړی.ځکه دوی په وروستي ځل فرا ه کې د انار درې ولسوالۍ اداري ودانۍ په بمونو والوزوله

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More