fbpx

تر اوسه د سعودي غونډې ته د پلاوی لېږلو پرېکړه نه ده شوې

د امریکا، د سیمې د ځینو هېوادونو او د طالبانو دویمې غونډې ته د چمتوالي په درشل کې افغان حکومت لا دې غونډې ته د کوم پلاوي استولو پرېکړه نه ده کړې. که څه هم د سولې شورا ویاند پرون وویل چې دوی به دې غونډې ته یو پلاوی ولېږي خو د دغې شورا د دارالانشا رییس عمر داودزی وایي تر اوسه یې لا په دې اړه پرېکړه نه کړې او څو پورې چې طالبانو سره د مخامخ خبرو قوي ضمانت نه وي ورکړل شوی دوی به په یاده غونډه کې ګډون ونه کړي.

 هغه زیاته کړه دوی په وار وار له طالب استازي سره د خبرو لپاره پلاوی ټاکلی دی خو هغوی په شا شوي دي نو تېرو تجربو ته په کتو به له ضمانت پرته کوم پلاوی سعودي ته ونه لېږي.

دا په داسې حال کې ده چې ټاکل شوې روانه میلادي میاشت د سعودي په جده کې د امریکایي پلاوي په ګډون د سیمې ځینې هېوادونه له طالب استازو سره خپله دویمه ناسته ترسره کړي.