fbpx

هند د هلمند پوهنتون سره ۱۱،۷میلونه افغانۍ مرسته وکړه

د هندوستان په مالي مرسته د هلمند پوهنتون د احاطوي دېوال د جوړیدو چارې پیل شوې.
د یاد پوهنتون د ریئس سورګل عبدالرحمن د معلوماتو له مخي د احاطيې دا دیوال ۱۲۶۰ متره کیږي چي ټول لګښت يې ۱۱،۷ میلونه افغانۍ کیږي او د هندوستان هیواد لخوا مرسته شوي چې د جوړېدو چارې به يې د ۸ میاشتو په جریان کې پای ته ورسېږي.
د هلمند والي تورنجنرال محمد یاسین خان د بنسټ ډبرې ایښودلو مراسمو کي د خبرو پرمهال وویل : د هندوستان هیواد د بلاعوظه مرستو څخه مننه کوو چې تل يې له افغان حکومت سره کړې او د دې ترڅنګ د اقتصاد او ښار سازۍ وزارت هڅي هم د ستایلو وړ دي چي په دې برخه کي يې ترسره کړي.
ښاغلي یاسین خان زیاته کړه: د هلمند پوهنتون لپاره به نوري ودانۍ او پروژې هم منظور او پیل شي ترڅو ددې پوهنتون ټولي اړتیاوي پوره او هلمندیان د یوه معیاري پوهنتون خاوندان شي.
د ښاغلي یاسین خان په خبره چي مرکز کابل ته يې د ورستي سفر پرمهال د نورو ادارو د ستونزو او اړتیاوو د شریکولو ترڅنګ د هلمند پوهنتون اړتیاوي او غوښتنې هم د اړونده مسوولینو سره شریکي کړي او د هغوی د جدي پاملرنې غوښتنه يې کړې .
ښاغلي یاسین خان وویل: د لوړو زده کړو وزارت مسولینو ورسره ژمنه کړې چي هلمند پوهنتون ته به پاملرنه ډېروي او ټولي اړتیاوي به يې پوره کړي او یو شمېر نوي رغنیزي پروژې به هم پلي کړل شي.