fbpx

روسیه وایي: خپل ځواکونه افغانستان ته په هېڅ صورت کې نه لېږي

روسیې د بهرنیو چارو وزارت مرستیال سرګي ریابکوف په نوي ډهلي کې له خبریالانو سره د خبرو پرمهال ویلي چې افغانستان ته د روسیې د ځواکونو استول اصلا مطرح نه‌ دي.

نوموړي وویل چې روسیه له ډېرې مودې راهیسې له افغان حکومت سره همکاري لري او دا همکاري د پیاوړي کېدو په حال کې ده چې یوې نوې مرحلې ته به ورسېږي.

د روسیې د بهرنیو چارو وزارت مرستیال دا څرګندونې د امریکا د ولسمشر د هغو څرګندونو په غبرګون کې کړي چې څو ورځې وړاندې یې وویل چې د افغانستان ګاونډیان لکه پاکستان، روسیه او هند باید په افغانستان کې وجنګېږي.