د صالح د ګواښونو لړۍ: د جاسوس طالب پاکستاني سره نور زغم نه کيږي

خبريال ويب پاڼه/ امرالله صالح د افغانستان د روانې جګړې په هکله نژدې هره ورځ يو څه ليکي او نن يې بيا طالب ننګولی.

د افغانستان د ولسمشر لومړي مرستيال امرالله صالح نن بيا د طالبانو په هکله څه ویلي او طالبانو ته يې جدي خبرداری ورکړی.

ښاغلي صالح له طالبانو سره د نه زغم خبره کړې او زياته کړې يې ده هر هغه څه چې واک کې لرو په جنګي صحنه کې ولاړ سرباز ته يې په واک کې ورکوو.

د ده په وينا شيبې حساسې او ثانيې ډير لوی مفهوم لري

ښاغلي صالح طالبانو ته وويل: نور د پاکستاني جاسوس طالب په وړاندې زغم څخه کار نه اخستل کيږي.

په افغانستان کې د جګړې لومړۍ کرښې د ولايتونو تر دروازو رسيدلې او ګواښونه ورځ تر بلې زياتيږي، خو صالح يوازي پر ګواښونو اکتفا کړي او هرڅه ته د راز په سترګو ګوري.

صالح چې د دولت لومړی کس بلل کیږي د دې سره چې طالبانو ته ګواښونه کوي

امرالله صالح تيره ورځ هم يوه پوسټ کې د بادغيس ولايت د جګړې په هکله له سره صليبه مرسته غوښتې وه چې د طالبانو جسدونه دي له خرابي وژغوري او خپلو کورنيو ته دي ورسوي

صالح وويل

د سرې میاشتي له نړیوال سازمان او نورو مرستندویه ټولنو څخه احترامانه هیله کوو، چې د لسګونو متجاوزینو جسدونو دي  د کویټې شورا په همغږي باندې خپلو کورنیو ته ورسوي، ځکه هوا ګرمه ده اوموږ د مړو د جسدونو د بې حرمتۍ طرفداره نه یو.

درې ساعته وړاندې ښاغلي صالح لیکلي ول چې د باغیس ولایتي چارواکو سره تماس کې دی او له احواله ځان خبروي خو په خبره يې چې هرڅوک دي د دښمن ویاند له ځانه نه جوړوي.

د امرالله صالح ډیر ټینګار پر رسنیو دی تر څو په ولایتونو کې د دولت د ناکامیو او کمزوري مدیریت خبرونه خپاره نه کړي او هرڅه مثبت وښيي چې کله کله ان یو شمېر راپورونو ته جدي غبرګون هم ښيي او چې نور يې وسه و نه شي نو هغه راپورته چې د دوی د ناکامیو وي پر رسنيو د فشار لپاره هغه ته استخباراتي راز وايي او په جديت يې غوښتنه کړې چې څوک بايد د دښمن يعني طالب وياندويان جوړ نه شي

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More