ولسمشر غني ته د احمدشاه مسعود د زوی جالب وړانديز

خبريال وېبپاڼه: د احمدشاه مسعود زوی احمد مسعود د يوې بهرنۍ رسنۍ سره پخپله مرکه کې ويلي دي چې په افغانستان کې د جوړجاړي لپاره پکار ده چې ولسمشر غني استعفا وکړي.

احمد مسعود چې په دې وروستيو کې د بهرنيو استخباراتو توجو زياته شوې ده ويلي دي چې دوی تيار دي د طالبانو په وړاندې مبارزه وکړي خو د هېواد د‌ لويو ګټو د خونديتوب لپاره به ښه کار دا وي چې ولسمشر غني پخپله استعفا وکړي.

مسعود وايي چې امريکا يوه ستره اشتباه وکړه او د طالبانو سره يې په داسې حال کې یوه توافقنامه لاسليک کړه چې هغوی د افغان حکومت سره هېڅ ډول توافق ته نه و رسېدلي، مسعود ددې پلوی دی چې مخکې له دې چې امريکايان د طالبانو سره توافق وکړي بايد لومړی افغانانو پخپل منځ کې يو توافق کړی وی.

د مسعود له نظره مخکې د بين الافغاني خبرو د بريا څخه د امریکا له لوري د طالبانو سره توافقنامه لاسليک کول ددې سبب شول چې شرایط د طالبانو په ګټه بدلون وکړي.

په اوسني حالت کې چې احمد مسعود د ولسمشر غني استعفا د حل لار بولي ډېری پوهان ورسره مخالف فکر کوي، د سياسي چارو کارپوهان وايي چې پکار ده طالبان په اوس وخت کې د يوه موجود حکومت يانې د ولسمشر غني په مشرۍ د حکومت سره توافق وکړي.

دا پوهان استدلال کوي چې په داسې يو حالت کې چې ولسمشر غني استعفا کړې وي او د حکومت په نامه يو څه شتون نلري چې د طالبانو سره د ښه موقف څخه خبرې وکړي نو د ډلو او ټپلو سره به طالبانو خبرې هېڅ ګټوره پايله ورنکړي او افغانستان به د یو لوی ناورين سره مخ کړي.

ماهرين دا ترټولو مناسبه لاره بولي چې طالبان د موجود حکومت سره يو توافق وکړي او وروسته بيا د همدې توافق په ترڅ کې د نوي حکومت يا ټاکنو تکل وشي مګر اوربند او سياسي توافقنامه باید د طالبانو او افغان حکومت ترمنځ لاسليک شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro