بایډن: افغان ځواکونه پیاوړي او طالبان به بیا واکمن نه شي

د امریکا ولسمشر جو بایډن په خپلو تازه څرګندونو کې دافغانستان په هکله ډاډ څرګند کړی چې طالبان به بیا ونشي کړای چې واک ته ورسیږي هغه یې یو لامل د افغان ځواکونو مجهز کیدل بللي.

د امریکا ولسمشر جو بايډن د خپلو تازه څرګندونو په مټ ویلي دا مهال افغان ځواکونه ښه مجهز شوي روزل شوي او شمېر يې لکونو کسانو ته رسیږي په داسې حال کې چې د طالبانو شمېر زرګونه کسان دي.

بایډن د معمول په څېر یوځل بیا به يې له افغانستان سره د مرستو د دوام خبره کړې وي نور څه خو نشته خو عام افغانان بیا وایي چې امریکا باید د اوسني بد وضعیت په هکله خپله همکاري زیاته کړي.

تر دې وړاندې خبرو کې بایډن ویلي وو، دوی دې ته چمتو دي ترڅو د افغان ځواکونو په ملاتړ پر وسلوالو طالبانو باندې بریدونه وکړي او ملاتړ یې وکړي خو ده وویل چې افغان هوايي ځواک هم شته.

امریکا په دې وروستیو کې د افغان هوايي ځواک سره د ۴۰ بیلابیلو الوتکو مرسته وکړه او زیاته شوې چې امریکا به د خپلو همکاریو دوام وکړي

پنټاګون څه وویل؟

د امریکا دفاع وزارت ویاند جان کربي د خپلو خبرو په لړ کې ویلي چې د افغانستان د سولې  او امن ټینګښت لپآرهر دا مهال افغان ځواکونه کاپي دي ځکه هغوی د ښه هوايي ځواک په درلودلو سره مډرنې وسلې روزنه او پوره پرسونل لري، چې هرڅه کولای شي.

نوموړي وویل د دې هرڅه سره سره امریکا له افغان ځواکونو ته الوتکې ورکوي او د هغوی د ساتنې او لوژیستیک برخه کې به لاهم خپل ملاتړ ته دوام ورکړي.

امریکا د هوایي او ځمکنیو افغان ځواکونو په اړه پر داسې مهال خبرې کوي چې تازه د افغانستان نژدې ټول ولایتونه تر امنیتي تهدید لاندې دي او وسلوالو طالبانو خپلو پرمختګونو ته دوام ورکړی خو تراوسه پوري د دولت امریکا او یاهم بل چا له لوري داسې ګام نه دی اخیستل شوی چې له مخې يې روان خراب امنیتي حالت ښه او کابو شي.

تراوسه پوري د اوسني خراب امنیتي وضعیت د کابو او ښه کولو په هکله نه امریکا او نه هم افغان حکومت کوم دریځ څرګند کړی

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro