د افغان جګړې په هکله د امریکا ځان شرموونکی اعتراف

خبریال ویب پآڼه/ پوره شل کاله امریکا په افغانستان کې د ترهه ګرۍ سره د مبارزې په نوم وجنګیدله زرګونه سرتیري او زرګونه میلیارده ډالر يې مصرف کړل خو اوس یې پر ځان لعنت ووایه

امریکايي ځواکونه ټول له افغانستانه د وتلو په درشل کې دي او دوی به له پوره شل کلنه جګړې وروسته خپل هېواد ته ستړي ستانه شي امریکا د موضوع په پای کې هر وخت د یو څه لمانځنه کوله خو ایا اوس به یې وکړي.

د سپینې ماڼۍ ویاندې جن ساکي د خپلو تازه څرګندونو پر مټ ویلي امریکا به افغانستان کې د خپل نظامي ماموریت بشپړول ونه لمانځي ځکه په دې شل کلنه جګړه بریا نه ده ترلاسه شوې.

له ډيرو ناندریو او فشارونو جګړو وروسته د امریکا نوي ولسمشر جو بایډن له افغانستانه د امریکايي ځواکونو وتلو امر د مي پر لومړۍ نېټه وکړ چې له هغې ورځې را وروسته د دې ځواکونو د وتلو پروسه پیل شوې او بایډن بیا هم څرګنده کړه چې دا ځواکونه به د اګسټ میاشتي پوري ټول له افغانستانه ووزي.

د امریکايي ځواکونو وتلو پروسه

امریکا خپله تر ټولو لویه اډه بګرام هم څو ورځې وړاندې د افغانستان دولت ته پرېښود چې له هغه ښکاره شوه چې امریکا به افغانستان کې نور نظامي حضور ونلري.

بایډن ویلي افغان ځواکونه پیاوړي دي

د امریکا ولسمشر جو بایډن په خپلو تازه څرګندونو کې دافغانستان په هکله ډاډ څرګند کړی چې طالبان به بیا ونشي کړای چې واک ته ورسیږي هغه یې یو لامل د افغان ځواکونو مجهز کیدل بللي.

د امریکا ولسمشر جو بايډن د خپلو تازه څرګندونو په مټ ویلي دا مهال افغان ځواکونه ښه مجهز شوي روزل شوي او شمېر يې لکونو کسانو ته رسیږي په داسې حال کې چې د طالبانو شمېر زرګونه کسان دي.

بایډن د معمول په څېر یوځل بیا به يې له افغانستان سره د مرستو د دوام خبره کړې وي نور څه خو نشته خو عام افغانان بیا وایي چې امریکا باید د اوسني بد وضعیت په هکله خپله همکاري زیاته کړي.

تر دې وړاندې خبرو کې بایډن ویلي وو، دوی دې ته چمتو دي ترڅو د افغان ځواکونو په ملاتړ پر وسلوالو طالبانو باندې بریدونه وکړي او ملاتړ یې وکړي خو ده وویل چې افغان هوايي ځواک هم شته.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More