fbpx

کابل کې ځانمرګی د خارجیانو پر میلمستون شوى، تر ٤٠ زيات کسان ټپيان دي

د کابل ځانمرګی برید چې څو دقیقې وړاندي‌وشو د کابل  د څرخي‌پله پر سړک د بهرنیانو پر یوه میلمستون شوی دی . دا میلمستون د (ژری کمد) په نوم یادېږي او بهرني ځواکونه یې کاروي .

د خبریال ډاټ کام سرچینې وايي چې برید د یوه موټر بم په وسیله تر سره شوی او سیمه امنیتي ځواکونو کلابنده کړې ده. د چاودنې غږ ډېر ځواکمن و چې د کابل ډېرو سيمو کې اورېدل شوى دى.

د روغتيا وزارت وياند وحيدالله مايار د ٤٠ کسانو د ټپي کېدو خبر تاييد کړى دى، يوې بلې سرچينې بيا خبريال وېبپاڼې ته وويل، چې په پېښه کې ٤ کسان وژل شوي او ٤٤ کسان ټپيان دي.

سیمي ته نېژدې د خبریال ډاټ کام همکار وايي چې تر برید وروسته د سپکو وسلو ډزي هم واورېدل شوې ، چې ښايي د ډله آیز برید معنا ولری.‌

تر اوسه حکومت په دې تړاو پټه خوله دی ، خو سیمه امنیتي ځواکونو کلابنده کړې ده .

یاده سیمه کې د پولیسو د موټر او هارنونه اورېدل کېږي‌او له لیري د پولیسو د شنو څراغونو رڼاګاني تر سترګو کېږي‌.

د ملي‌امنیت یوې سرچینې خبریال ډاټ کام ته وویل چې د برید ځواکمنتیا ته په پام سره ویلای شي‌چې تلفات به اوښتي وي ، خو تر دم ګړیه دقیق معلومات نشته .

دا برید په داسي‌وخت کې وشو چې له یوې خوا د کابل د ټاکنو پایلي اعلان شوې ، او له بلي خوا پاکستان مخالف د کورنیو چارووزیر امرالله صالح د وسله والو ټوپکیانو په بې وسلې کولو لاس پوري‌کړی دی .

تر اوسه ددغه برید مسئولیت چا په غاړه نه دی اخیستی ، خو په کابل کې لوی بریدونه یا داعش ترهه ګره ډله او یا هم وسله وال طالبان کوي .