په تاریخ کې لومړی ځل امریکا د تېلو کړکېچ سره مخ ده

خبریال وېب پاڼه/د امریکا په تاریخ کې په لومړي ځل د تېلو بیې منفي صفر ته ښکته شوې.

د دغه هېواد بیې په داسې حال کې منفي صفر ته ښکته کېږي چې ټول هېواد یې کرنتین دی او په ملیونونه کسانو خپلې دندې له لاسه ورکړې دي. په دغه هېواد کې د یو بیلر تېلو بیه منفي ۴۰ ډالرو ته را ښکته شوې ده.

د راپورونو له مخې په امریکا کې د تېلو بیې په داسې حال کې ښکته کېږي چې په دغه هېواد کې د کرونا وبا یو لوی ناورین زیږولی دی او په ملیونونو کسان وزګار شوي دي. ویل کېږي د تېلو په منفي بیو کې ښایي نور هم کموالی راشي.

منفي صفر بیې دا معنا چې پلورنکی مجبور دی، پیرودونکي یا میشتري ته له تېلو سره پیسې هم ورکړي ځکه په دغه هېواد کې د تېلو جوړې شوې زېرمې په څو ورځو کې د ډکېدو په حال کې دي چې بیا به یې د زخیره کولو لپاره ځای و نه لري.

امریکا په اقتصادي برخه کې د تاریخ تر ټولو سترو زیانونو سره مخ ده او دې حالت د دغه هېواد چارواکي هم سخت اندېښمن کړي دي. ټرمپ د تېرې شنبې په ورځ په چین باندې هم تورونه بسته کړل چې د دغې ویروس په هکله یې ناسم معلومات وړاندې کړي دي او زیاته کړې یې وه چې باسد دوی او نړۍ ته وضاحت ورکړي.

هخوا آسټرالیا چې د کرونا وبا یې په خپ هېواد کې مهاره کړې هم ده، تېره ورځ په یوه بیان کې ویلي وو چې د کرونا وبا د خپروونکو پر وړاندې دې یوه نړیواله څېړونکې اجماع را منځته شي تر څو جوته کړي چې دا کار چا کړی دی.

پرون دوشنبه د امریکا د تکزاس ایالت په لویدیځه څنډه کې د تېلو د یو بیلر بیه ۳۷،۶۳ ډالره وه. دغه ایالت چې د امریکا په ګډون د تېلو مارکېټ د ارزونې ګراف هم ښیي، تر ټولو ټیته بیه ده. په ورته وخت کې د شمالي سمندر په برېنټ کې د تېلو د یو بیلر بیه ۲۶ ډالر ښودل شوې ده چې دا د پخوا په پرتله ۹ سلنه ټیټ والی ښیي. د شمالي سمندر د تېلو بیې د اروپا او نورې نړۍ د تېلو اصلي ګراف ښیي.

هخوا د امریکا ولسمشر دونالډ ټرمپ هم په خپلو وروستیو څرګندونو کې ویلي دي چې د تېلو د خرابې راتلونکې د مخنیوي په موخه غواړي شاوخوا ۷۵ ملیونه بوشکې تېل وپېري تر څو په ملي او تراتیژیکو زېرمو کې وساتل شي.

د کرونا له امله د تېلو ستر تولیدوونکي او په خپل منځ کې د تېلو په سر وخت ناوخت اوښتونکي هېوادونه (سعودي او روسیه) هم د دغې بد اغېز یوه برخه دي.

دا د امریکا په تاریخ کې د تېلو د بیو تر ټولو بد حالت دی چې د اقتصاد پرست ټرمپ له هڅو سره سره ښایي په دغه هېواد کې اقتصادي بحران نور هم زیات شي.