د افغان سولې لپاره قوي او نوې ډله رامنځ ته شوه

خبریال ویب پاڼه/ افغانان سولې ته نژدې شوي که څه هم په هېواد کې جګړې تر بل هر وخت زیاتې شوې  خو اوس داسې هیلې ښکاري چې د سولې لپاره هم هڅې رښتینې شوې او ټول لوري  نور له جګړو ستړي دي.

د افغانستان د بهرنیو چارو وزارت بیا د یوې نوې څلور اړخیزه ډلې د رامنځ ته کیدلو  خبر ورکړی او ویلي یې دي چې دا ډله به د افغان سولې لپاره کار کوي.

امریکا، افغانستان، پاکستان او ازبکستان څلور اړخیزه نوې ډله رامنځ ته کړې چې تر اوسه پوري د دغه پلټفارم رامنځ ته کیدل په پرنسیپ کې تائید او  منل شوی او ډیر ژر به په سیمه ییزه کچه د سولې او سیمه ییز اتصال په برخه کې خپلې هڅې پیل کړي.

د افغانستان د بهرنیو چارو وزارت ویلي چې د څلورو واړو هېوادونو استازو یا دې ډلې په افغانستان  کې د دایمي ثبات لپاره دایمي پرمخنګ هم شمېرلی  او زیاته کړې يي ده چې له همدې امله باید په افغانستان  کې سولې ته کار وشي.

د افغانستان د بهرنیو چارو وزارت له دې جوړښته د خوښۍ په څرګندولو سره وویل چې داسې جوړښتونه رامنځ ته کیدل افغانان نور هم سولې کولو ته نژدې کوي.

دا ډله پر داسې مهال رامنځ ته کیږي چې تیره ورځ د بین لافغاني خبرو د بیا پیل لپاره د عبدالله عبدالله په مشري د افغان دولت یو پلاوی دوحې ته ولاړ او هلته به د بین لافغاني مذاکراتو په دوام له طالب مشرانو سره وګوري او د سولې پر وروستیو هڅو به خبرې وکړي.

په سیمه ییزه کچه هم دا دی هڅې روانې شوې دي ترڅو د افغان سولې لپاره کار وشي افغان ولسمشر د ازبکستان تاشکند ښار ته تللی او هلته د مرکزي او جنوبي اسیا په کچه يې په یوه نړیوال کنفرانس کې ګډون کړی او کوښښ يې کړی ترڅو د افغان سولې په هکله یوه اجماع رامنځ ته او ورته کار وشي خو تراوسه پوري لاهم د افغانانو اندېښنې ځکه پر ځای پاتي  دي چې تراوسه په افغانستان کې جګړه روانه او د پخوا په پرتله لا نوره هم خونړۍ شوې ده ترڅو چې د جګړې په ډګر کمبود نه وي رامنځ ته شوی نو عام افغانان پرې باور نه شي کولی

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro