د چين له لوري د طالبانو سره مهم ژمنه

خبريال وېبپاڼه: د چين د بهرنيو چارو وزير د طالبانو سره پخپله لیدنه کې وويل چې دوی په افغانستان کې د هیڅ ډول مداخلې نيت نلري، وانګ ايی زياته کړه په افغانستان کې مداخله نکوو او په دې هېواد کې د سولې د راتلو لپاره کمک کوو.

د طالبانو يوه هيئت چې ۹ نفره پکې شامل و نن چين ته ورسیده او په دې هېواد کې يې د چین د بهرنیو چارو وزیر وانګ ايي او د افغانستان لپاره د چين د ځانګړي استازي سره وليدل.

د طالبانو د سياسي دفتر وياند ډاکټر محمد نعيم پخپل ټویټر کې ليکلي دي چې د طالبانو يو سياسي هيئت د چين پلازمېنې ته ددې هېواد په رسمي بلنه رسېدلی دی، محمد نعيم وړاندې لیکي چې د طالبانو د هيئت به د چينايي چارواکو سره د سياسي، اقتصادي او امنیتي چارو په هکله خبرې کوي.

طالبانو ويلي دي چې دوی چينايي مقاماتو ته ډاډ ورکړی دی چې د افغانستان خاوره به د چين په خلاف ونه کارول شي، طالبان همدا اوس د افغانستان او چین سرحد پخپل واک کې لري.

د طالبانو وياند ويلي دي چې چين د طالبانو سره ژمنه کړې ده چې د افغانستان د خلکو سره به خپلې همکارۍ زیاتوي، چينايي وزير زياته کړې ده چې دوی به په افغانستان کې هېڅ ډول مداخله نکوي بلکې د ستونزو په حل او د افغانستان د سولې په برخه کې به همکاري کوو.

طالبان اوس د افغانستان او چین سرحد په پوره ډول په خپل واک کې لري او چينايي چارواکي وېره لري چې دا سيمې د چين په ضد ددې هېواد د رقیبانو له لوري ونه کارول شي، خو طالبانو ډاډ ورکړی دی چې د افغانستان خاوره به د چين په خلاف ونه کارول شي، ددې ترڅنګ طالبان د افغانستان او تاجکستان، افغانستان او ايران، د افغانستان او پاکستان يوه برخه پخپل واک کې لري، طالبانو ادعا کړې ده چې د هېواد ۹۰ سلنه سرحدونه پخپل واک کې لري.

افغان حکومت ويلي دي چې دوی يو شپږ مياشتينی پلان لري چې په اساس به یې سرحدونه او مهمی سیمې بندرونه د طالبانو له واک څخه وژغوري او ډېری سیمې به بېرته ترخپل واک لاندې راولي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More