طالبانو د هند په وړاندې چوپتيا ماته کړه

خبريال وېبپاڼه: ډېره موده کېږي چې د طالبانو او هند‌ اړیکې د پاکستان او ځینو نورو سببونو له کبله خړې دي، په دې وروستيو کې چې د امريکا متحده ايالاتو د طالبانو سره د دوحې تړون لاسليک کړ هندوستان ته په رسنیو کې دا سپارښتنې ډېرې شوې چې ګواکي له طالبانو سره دې خبرې پيل کړي.

په دې هکله څو ځل ځینې خبرونه هم د معتبرو رسنیو څخه خپاره شول چې هندي چارواکو په دوحه کې د طالبانو سره ليدلي دي خو دا خبرونه په رسمي ډول د هېڅ لوري له خوا تاييد نشول.

د هند او طالبانو د اړيکو خاموشۍ اوس يو اواز ورکړ او طالبانو دا ځل د هند په وړاندې خپله چوپتيا ماته کړه، د طالبانو د قطر د سياسي دفتر غړي او وياند سهيل شاهين په خپلو تازه څرګندونو کې په افغانستان کې د هند لاسوهنه غندلې ده.

شاهین د هند څخه غوښتي دي چې د افغانستان د سولې د پروسې په برخه کې د نظر ورکولو څخه ډډه وکړي او د افغانستان د سولې پروسه تخريب نکړي، شاهین وويل: هیڅوک بايد د خپلو وړانديزونو چې سياسي انګيزې لري په وړاندې کولو سره د سولې پروسې ته زيان ونه رسوي.

دغه طالب وياند وړاندې پخپلو خبرو کې وويل چې هند بايد د افغان حکومت سره په خپلو نظامي مرستو باندې له سره غور وکړي ځکه‌چې دا وسلې د افغانستان د خلکو په وړاندې استفاده کېږي او دا کار به د افغانستان د خلکو سره ددښمنۍ په مانا وي.

طالبانو تېره ورځ ادعا وکړه چې افغان حکومت په لشکرګاه کې په دوی باندې بمباري په ځانګړي ډول د اريانا په شخصي روغتون باندې بمباري د هندی الوتکو په واسطه کړې ده، دغه خبر په ډېر شور سره د پاکستانۍ ميډيا خپور شو.

دا لومړی ځل دی چې طالبان په بمبارۍ کې د الوتکو تشخيص پيلوي او وايي چې دا الوتکې افغانستان ته پلانکي هېواد ورکړې دي.

شاهين په‌داسې حال کې د هند په وړاندې خپل دريځ بيانوي چې تېره ورځ د هند د بهرنیو چارو وزیر جي شنکر پخپله وينا کې وويل چې په افغانستان کې هغه نظام نړيوالې ټولنې ته د منلو وړ نه دی چې په زور ددې هېواد په خلکو تحميل شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro