د امریکا له لوري د عبدالله سره د مهم توافق خبر

خبريال وېبپاڼه: د امريکا د بهرنیو چارو د وزرات له لوري په خپره شوې اعلامیه کې ویل شوي دي چې د امريکا د بهرنیو چارو وزیر انتوني بلينکېن او د افغانستان د روغ جوړې د عالي شورا د مشر ډاکټر عبدالله عبدالله ترمنځ په یو لړ مهمو مسايلو باندې توافق شوی دی.

د امریکا د بهرنیو چارو د وزرات په خبرپاڼه کې راغلي دي چې د امريکا د بهرنیو چارو وزیر انتوني بلينکېن او د ډاکټر عبدالله ترمنځ د خبرو په لړ کې په دې باندې توافق شوی دی چې د سولې په خبرو کې به چټکتيا رامنځته کېږي.

د امريکا د بهرنیو چارو وزارت په دې خبرپاڼه کې وړاندې ليکلي دي چې دواړو لوریو په دې باندې ټينګار وکړ چې د سولې د خبرو چټکتيا ته شديده اړتيا ليدل کېږي او باید دواړه لوري ددې خبرو د چټکتيا لپاره هڅې وکړي.

د خبرپاڼې په دوهمه برخه کې بيا راغلي دي چې د امريکا د بهرنیو چارو وزیر انتوني بلينکېن او د افغانستان د ملي پخلاينې د عالي شورا د مشر ډاکټر عبدالله عبدالله ترمنځ د طالبانو له لوري روان شدت وغندل شو او سخت مخالف ورسره څرګند شو.

په داسې حال کې چې د امریکا متن ايالات په بار بار د خبرو په چټکتیا باندې ټينګار کوي او د دواړو لوريو څخه غواړي چې د سولې خبرو ته چټکتیا ورکوي د افغانستان ولسمشر محمد اشرف غني وايي چې طالبان د سولې خبرو ته جدي نیت نلري هسې وخت ضائع کوي او د نظامي لارې غواړي په افغانستان کې واک په لاس کې واخلي.

خو وسله وال طالبان بيا وايی چې دوی د افغان حکومت له لوري په خبرو کې صداقت ونه ليد او صرف د افغان لوري له لارې یې د جګړې د شدت خبرې واورېدې او اوس یې پرېکړه کړې ده چې د ښارونو په مرکزونو به هم بريدونه کوي.

facebook follower kaufen

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro