د امريکا د بمباریو په وړاندې د طالبانو د نوي اقدام اعلان

خبريال وېبپاڼه: د رويټرز خبري اژانس د طالبانو له قوله ويلي دي چې دوی د افغانستان د ولایتونو په مرکزونو باندې بریدونه پيل کړي دي چې امريکايي ځواکونو هم په دوی باندې هوايي بريدونه ترسره کوي.

طالب نظامي قومندانانو د رويټرز خبري اژانس ته ويلي دي چې امريکا تېره مياشت په دوی باندې هوايي بريدونه پيل کړل چې په متقابل کې یې دوی د عواقبو په هکله امریکا ته اخطار ورکړی و.

همدا اوس په هلمند، کندهار، هرات، شبرغان او تخار ولايتونو باندې د طالبانو بریدونه روان دي او طالبان هڅه کوي چې ددې ولايتونو مرکزونه پخپل کنټرول کې راولي، تېره ورځ دوی بريالي شول چې د نيمروز ولايت مرکز ونيسي او دغه ولايت لومړنی ولایت شي چې د دوحې د تړون وروسته ددې ډلې نه کنترول کې ورځي.

يوه امريکايي چارواکي چې نه یې غوښتل نوم یې ذکر شي د رويټرز خبري اژانس ته وويل چې طالبان د افغان امنيتي ځواکونو له لوري د امريکا په ملاتړ باندې غوسه دي او له همدې کبله يې په ښارونو بریدونه پيل کړي، دغه چارواکي ويلي چې طالبان به اوس يوازې د بندرونو په نيولو باندې بسنه ونکړي.

تېره اونۍ د امريکا د پوځ لوړو پوړيو چارواکو وويل چې د افغان هوايي ځواکونو په ملاتړ باندې به د امريکا بریدونه زياتوالی ومومي، طالبانو دغه کار د دوحې د تړون خلاف بللی و او امريکا ته یې د عواقبو په هکله ګوتڅنډنه کړې وه.

د چارو شننونکي وايي چې د امريکا له لوري د دوحې د تړون ماتول په ځای خبره نده، تړون لومړی د طالبانو له لوري مات شوی دی نو که طالبان تړون ماتوي بيا یې نور اړخونه هم منلو ته مجبور نه دي.

د شنونکو په خبره چې طالبانو په هغه ورځ تړون مات کړ چې د ولسواليو او ولايتونو په مرکزونو یې بريدونه پيل کړل او يا یې د ښارونو مرکزونه کلابند کړل او د بريد پلان یې نيوه چې ورسره امريکا هم هوايي بريدونه پيل کړل.

نو په دې اساس لومړی طالبانو خپله هغه ژمنه ماته کړه چې ددوحې د تړون په وخت کې یې کړې وه چې په ښارونو باندې به بریدونه نکوي، وروسته د امريکا متحده ايالاتو په دوی باندې بمباري پيل کړه.

د يادونې وړ ده چې ډېری وخت امريکايي چارواکي په مستقيم او غیرې مستقیم ډول دا خبره کوي چې نشي کولای طالبان پرېږدي په افغانستان کې هرڅه له منځه يوسي بلکې د اړتيا په وخت کې به ورباندې بریدونه ترسره کوي.

youtube views kaufen

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More