د پخواني ولسمشر د تېښتې تازه جزیات

خبريال وېبپاڼه: په داسې حال کې چې د افغانستان د پخواني ولسمشر اشرف غني تېښتې د ټولې نړۍ توجو افغانستان ته را اړولې ده ورځ په ورځ د هغه د تېښتې تازه جزیات خپرېږي.

تازه مالومات ښيي چې پخواني ولسمشر اشرف غني لومړی هيله کړې وه چې امريکا ته تېښته وکړي خو ورته ويل شوي و چې امريکا تياره نده هغه ته پناه ورکړي، کله چې په ده باندې د امريکا د متن ايالاتو دروازه بنده شوه نو نوموړي بيا تاجکستان ته مخه کړه او د افغانستان الوتکه د تاجکستان په لور وخوځېده خو د ترلاسه شويو مالوماتو په اساس باندې تاجکستان هم د اشرف غني الوتکې ته د کېناستو اجازه ورنکړه او همدا سبب شو چې نومړی بلاخره د متحده اماراتو په پلازمېنه اوبو ظبۍ کې ساه واخلي.

هغه د تېښتې څخه وړاندې خپلو نېږدو همکارانو ته ويلي و چې دی ځي او د وزرات دفاع په مقام کې د نظامي مشرانو سره غونډه کوي، مګر په همدې وخت کې نوموړي د افغانستان څخه پښې سپکې کړې، ويل کېږي چې دده د ځان سره ميليونو ډالر هم وړي دي او یوه اندازه پيسې بيا د ډېرې بېړې له کبله ترې پاتې شوې دي.‌

افغانان غني ته سخت غوسه دي چې په دوه ايا کلنۍ کې يې د سوله ايز انتقال د موقت حکومت غوندې غوره انتخابونو په ځای باندې د تېښتې لاره انتخاب کړه د هېواد څخه په ډېر نامرده ډول وتښتېده هېواد ېې د قدرت خلا ته ورکړ او کابل د سترو ګډوډیو سره مخ شو.

په ټولنيزو رسنيو کې خو يو لړ افغانانو د هغه په وړاندې کمپاين پيل کړ او د نړيوالو پوليسو څخه یې وغوښتل چې هغه ونيسي او په افغانستان کې یې محکمې ته وسپاري ځکه چې هغه د افغانستان سره په ډېر حساس وخت کې خيانت وکړ او ملک یې د ستر ناورين سره مخ کړ، په تاجکستان کې د غني د حکومت سفير بيا ويلي دي چې اشرف غني ۱۶۹ ميليونه ډالر تښتولي دي او له همدې کبله يې باید نړيوال پوليس ونيسي.

د چارو شننونکي وايي چې ولسمشر غني چانس درلود چې دا دومره وخت موقت حکومت ومني او که موقت حکومت نه مني نو د سوله ايز انتقال لاره غوره کړي خو هغه دا ټول فرصتونه ضايع کړل او د قدرت د انتقال ترټولو د شرم ډکه لاره یې وټاکله او په ۷۲ کلنۍ د هېواد څخه وتښتېده.

ليکوال؛ سيد جمال ابراهیمي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro