مریم غني: له پښو لوېدلې یم

خبريال وېبپاڼه: په داسې حال کې چې د افغانستان څخه تښتېدلی پخوانی ولسمشر اشرف غني په اماراتو کې خپل ژوند ته دوام ورکوي دده اولادونه چې په امريکا کې ژوند کوي د افغانستان په هکله د ويلو لپاره چندان څه نلري، تېره ورځ برتانوي رسنيو راپور ورکړ چې د اشرف غني زوی طارق غني دوی ته ويلي دي چې نه غواړي د افغانستان په هکله خبرې وکړي.

شننکوو د طارق غني دا خبره په دوه ډول تفسير کړه، یو ډول دا چې طارق غني ځکه د افغانستان د پېښې په هکله څه ويل نه غواړي چې پلار یې اشرف غني د شرم ډک کار کړی د واک سوله ايز انتقال یې يو نيم کال رد کړی او وروسته یې په ۷۲ کلنۍ د افغانستان څخه تېښته وکړه، نو طارق ددې ستر شرم په هکله هیځ خبره کول ونه غوښتل.

په بل تفسیر بيا طارق غني د افغانستان په هکله ويلو ته څه نلري، ځکه چې هغه په امريکا کې پيدا شوی دی او افغانستان ته هېڅ کله نه دی راغلی هلته د خپل ژوند په مصروفیتونو بوخت دی او افغانستان ورته کوم ارزښت نلري.

د طارق غني د بيان وروسته رسنیو د هغه د خور مريم غني تعقيب کړی دی او له هغه يې پوښتنه کړې ده چې د افغانستان د مسلې په هکله څه فکر کوي.

مريم غني په خپلو لومړيو څرګندونو کې ويلي دي چې په بشپړ ډول د پښو غورځېدلې ده، دې ويلي چې د پلار د تېښتې د مسلې په هکله تر شديدو نیوکو لاندې ده.

مريم غني چې اوس دوه څلوېښت کاله عمر لري د نیویارک په بروکلین کې ژوند کوي، دا وايي له هغه کسانو چې ورسره یې خواخوږي کړې ده مننه کوي، مريم غني د سرچینو یو لیست هم خپور کړی دی چې مرسته کوونکي کولی شي د هغه څخه په استفادې د افغانانو سره مرسته وکړي.

دې د‌ خپل انسټاګرام له حساب څخه ليکلي دي چې له هغه کسانو مننه کوي چې په دې وروستيو کې یې ورسره د همغږۍ ابراز کړی دی، ډېره ستړې يم هيله لرم چې تاسې هر یوه ته به ځواب درکړی شم.

وروسته له هغه چې د مريم غني پلار اشرف غني د افغانستان د کشالې د حل کولو لپاره صرف وخت وژنه وکړه او نيت يې درلود د خپلې ولسمشرۍ ټوله دوره پوره کړي په افغانستان کې جګړو زور واخيست، د جګړو د شدت په يولسو ورځو کې د افغانستان مطلق اکثریت ولایتونه په سوله ايز ډول طا لبانو ته تسليم شول او غني په وروستۍ ورځ د ۱۶۹ ميليونه امريکايي ډالرو سره د افغانستان څخه وتښتېده.

ليکوال سيد جمال ابراهیمي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro