خليلزاد؛ د طا لبانو د امتحان وخت راورسېد

خبريال وېبپاڼه: وروسته له هغه چې د افغانستان څخه تېره شپه د امريکايي ځواکونو وروستی پوځي هم ووت د افغانستان لپاره د امريکا ځانګړي استازي زلمي خليلزاد وويل چې اوس يو ځل بيا تصميم د افغانانو سره دی چې د خپلې راتلونکې په هکله پرېکړه وکړي، خليلزاد د امریکايي پوځیانو له قربانيانو څخه قدرداني وکړه او زياته یې کړه چې د طا لبانو د ازموينې وخت دی.

نوموړي وويل چې اوس د طالبانو د امتحان وخت رسېدلی دی، ايا هغوي به وکولی شي افغانستان داسې يوه لوري ته يوسي چې په هغه کې ټول افغانان ښځه او نارينه و سوکاله او خوشحاله وي، آیا افغانستان به په دې باندې وتوانېږي چې خپل ګڼ فرهنګ او کثرت نړۍ ته ورپېژني.

نوموړي زياته کړه چې دې اوږدې جګړې افغانان او امريکايان د ښو او بدو ګڼو طرفونو سره مخ کړل، امريکايانو او افغانان ډېر څه وکړل خو ټول يې اوږه په اوږه ترسره کړل.

خليلزاد وروسته له ډېر وخته د افغانستان په هکله يو ځل بيا په داسې حال کې څرګندونې کوي چې د اشرف غني د حکومت پلویان او چارواکي ورڅخه سخت خفه دي.

د اشرف غني د وياند معاونې فاطمه مورچل پخپل يوه بيان کې ويلي و چې خليلزاد د افغانستان سره خيانت وکړ، ترڅنګ یې نور ګڼ لوړ پوړي افغان چارواکي او د غني مريد خويه پلویان د روان ناورين اصلي عامل خليلزاد بولي.

خو د چارو شننونکي وايي چې د افغان حکومت چارواکي ډېر بې ظرفيته او بې شخصيته خلک و، هغوی تراوسه په دې نه پوهیدل چې د امريکا بهرنی سياست د چا د کينې او شخصي حواسو په بنسټ پرمخ نه ځي، بلکې همدا د امريکا پاليسي ده چې خليلزاد يې مخ ته وړي، خو د پخوانیو حکومتي چارواکو او د غني د پلویانو زور امريکا ته نه رسېږي په هغوی د نیوکې زړه نلري نو خليلزاد ملامتوي، د چا خبره خره ته یې زور نه رسیږي کتې ته یې سوټي نيولي دي.

ليکوال سيد جمال ابراهیمي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro