چين ته د بګرام د هوايي ډګر د ورکولو په هکله د تا، لبانو بیان

خبريال وېبپاڼه: په ملګري کې د امريکا د متحده ايالاتو استازې نيکي هيلي د فاکس نيوز سره پخپله مرکه کې وويل چې چين په دې هڅه کې دی چې د بګرام د هوايي اډې کنترول ترلاسه کړي.

د نيکي هيلي له دې خبرو وروسته ډېری کورنیو او بهرنیو رسنیو دا خبر خپور کړ چې ګواکي د چین ځواکونه به د بګرام په هوايي اډه کې ځای په ځای او په دې اړوند د تا، لبانو سره هم توافق شوی دی.

مګر په دوحه کې د تا، لبانو د سياسي دفتر مطرح غړي سهيل شاهين پخپله یوه وینا کې دا خبر رد کړ او ویې ويل چې دا هېڅ کوم پلان او اراده شتون نلري ترڅو د چین پوځيان د بګرام په هوايي ډګر کې مېشت شي.

نيکي هيلي پخپلو څرګندونو کې دا هم ويلي و چې چين په دې هڅه کې دي ترڅو په افغانستان کې د خپل قدم د غښتلي کولو سره پاکستان نور هم ځواکمن کړي او په سيمه کې هند يوازې کوي او پاکستان ورباندې لاس بالا شي.

د بل لوری د چين له لوري هم دا ادعا او خبر رد شو، د چين د بهرینو چارو د وزير وياند وانگ ونبین خبريالانو ته وويل چې دا ډول خبرونه سم ندي، دوي یې ردوي، نوموړي زياته کړه چې چين د بګرام د هوايي اډې په هکله د تا، لبانو سره هیڅ ډول مذاکرات نه دي کړي.

چين او تا، لبان په داسې حال کې چين ته د بګرام د اډې د پرېښودو خبرونه ردوي چې د تا، لبانو له لوري ددې اډې د کنټرول کولو تراوسه میاشت هم نده پوره شوې.

د چارو شننونکي وايي د امریکا د حکومت پخواني چارواکي د امریکا د خلکو د غولو، د جوبایډن د پريکړې د ناسم ښکاره کولو په لټه کې دي، حال دا چې د تا، لبانو سره مذاکرات پخپله همدوی شروع کړي و نه جوبایډن.

بګرام په افغانستان کې د امریکايي ځواکونو ترټولو ستره پوځي اډه وه، په افغانستان کې د امريکا د مداخلې دا ستره اډه څه موده وړاندې د افغان حکومت پوځ ته وسپارل شوې وه چې ۴۴ وروسته تا، لبانو دا اډه د افغانستان د حکومت څخه ونیوه او رسماً یې پخپل کنټرول کې واخيسته.

دغه اډه د کابل ولايت په ۴۵ کيلومترۍ کې شتون لري چې د تېرو شلو کلونو راهيسې امریکا استفاده کوله، دا اډه يو هوايي ډګر، يو پنځوس بستريز روغتون او د زندانیانو لپاره پراخ ځای لري.

ليکوال سيد جمال ابراهیمي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More