عاجل؛ قطري وزير د تا، لبانو لپاره ډېر بد خبر اعلان کړ

خبريال وېبپاڼه: په داسې حال کې چې د افغانستان لس ميليارده امريکايي ډالر د امريکا له لوري قيد شوي دي په دې هېواد کې دننه د‌ نغدو افغانیو او ډالرو کمښت په ځوړ اقتصاد نور هم ځوړ کړی او ضعيف کړی دی، د افغانستان د نوي حکومت چارواکي هڅه کوي چې د افغانستان دغه قيد شوې پيسې د ډيپلوماټيکو لارو خلاصې کړي او د افغانستان اقتصاد ته يو تازه نفس ورکړي.

مګر د قطر د بهرنیو چارو وزیر تېره ورځ يوې غونډې ته د وينا په مهال وويل چې هېڅ ډول کومه لاره او پروسه تراوسه پورې نه ده مشخصه شوې چې د هغه په اساس د افغانستان قيد شوې پيسې خلاصې شي، ياد وزير د خپلو خبرو په دوام کې وويل چې د اوس لپاره د تا، لبانو د حکومت په رسمیت پېژندل د قطر او نړۍ لومړيتوب نه دی بلکې د اوس لپاره لومړيتوب دادی چې د افغانستان سره بشري مرستې وشي.

د قطر د بهرنیو چارو وزیر دا څرګندونې په داسې حال کې وي چې دا هېواد تازه د تا، لبانو، امریکا او اروپايي ټولنې د استازو د خبرو کوربه و، تا، لبان په دې هڅه کې دي چې د خپل حکومت لپاره نړيوال مشروعیت ترلاسه کړي په څه چې دوی تراوسه نه دي بريالي شوي.

مګر نړيوال تراوسه پورې وايي چې تا، لبانو د نړيوال مشروعیت لپاره تراوسه شرايط نه دي پوره کړي، د سپينې ماڼۍ وياند جن ساکي پخپله وينا کې وويل چې دوی تراوسه پورې دا تصميم نلري چې تا، لبانو ته د افغانستان قيد شویو پيسو ته د لاسرسي امکان ورکړي.

شنونکي وايي چې تا، لبان پخپله تګلاره ټينګار کوي او د افغانستان د خلکو کړاو او بې وزلۍ ليدو سره سره بيا هم هغه ډول رفتار کوي کوم چې د دولت دارۍ لپاره مناسب نه دی او حکومت دا ډول نه کېږي، د شنونکو په خبره حداقل تا، لبانو بايد د اوس لپاره خپل هغه کسان وزیران نه وی معرفي کړي کوم چې په تورلیست کې دي او امريکا ورباندې جائزې اعلان کړې دي، ترڅنګ یې بايد د نجونو تعليم ته اجازه ورکړې وی، شنونکي وايي چې د نجونو د تعليم په وړاندې هېڅ ډول شرعي ممانعت نشته څه چې اوس تا، لبان کوي صرف بې ځايه بهانې او د خلکو په سترګو کې خاورې اچول دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More