تا، لب وزير له امریکا څخه ډېره معصومانه غوښتنه وکړه

خبريال وېبپاڼه: تا، لب وزير له امریکا څخه ډېره معصومانه غوښتنه وکړه، د افغانستان د نوي حکومت يوه وزير د امريکا د متحده ايالاتو څخه یوه ډېره معصومانه غوښتنه کړې ده، امريکا د افغانستان د تازه واک ته رسیدلي حکومت په وړاندې ډول ډول خنډونه رامنځته کړي دي او دې کار په افغانستان کې هم د حکومت چارې له مشکل سره مخ کړې دي او هم يې د افغانستان د خلکو ژوند تريخ کړی دی.

خيرالله خيرخواه چې د افغانستان د نوي حکومت د اطلاعاتو او کلتور وزير دی د الجزيرې سره پخپله يوه مرکه کې د امريکا څخه غوښتنه کړې ده چې ددوی په وړاندې دې خنډونه نه جوړوي بلکې دوی ته دې فرصت ورکړي چې د افغانستان خلکو خدمت وکړي، خيرخواه ويلي دي چې بنديزونه به صرف د افغانستان د خلکو کړاو زيات کړي خو د افغانستان حکومت او خلک به د نورو هېوادونو ناسمو غوښتنو ته تسلیم نشي.

تر دې وړاندې د هېواد د بهرنيو چارو وزير هم په قطر کې ويلي و چې جګړې او فشارونو له دې پخوا هم کار نه و ورکړي دا ازمويل شوې لارې دې بيا نه ازمويل کېږي که څوک د افغانستان د نوي حکومت په هکله اندیښنې لري نو دا اندېښنې دې د خبرو او ډيپلوماسۍ له لارې حل کړي په بنديز او فشار به مطلوب هدف هېڅکله ترلاسه نشي.

امريکا د افغانستان شاوخوا لس ميليارده ډالر قيد کړي دي چې دا کار ددې هېواد د اقتصادي څرخ په وړاندې د ګڼو ستونزو سبب شوی دی، د نورو هېوادونو سره د افغانستان اقتصادي راکړې ورکړې د مشکل سره مخ دي او صادارت او واردات دواړه د سختو مشکلاتو ښکار شوي دي، که څه هم امريکا او نړيواله ټولنه ملګري ملتونه د افغانستان سره د بشري مرستو خبره کوي خو شنونکي وايي چې د بشري مرستو په ځای دې د افغانانو خپلې پيسې له قيد څخه خلاصې شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More