ګل پاڼه ځانته افغانه وايي او که نه؟ پوښتنه يې ځواب کړه

خبريال وېبپاڼه: د افغانستان او پاکستان ترمنځ د افغانیت مسله تل ګرمه وي، په ځانګړي ډول د فرضي کرښې هاخوا چې کوم پښتانه دي نو په دوی کې ځينې ځانته افغانان وايي او ځينې بيا وايی چې نه دوی نور پاکستانيان شوي دي.

تازه اوس دا پوښتنه د پښتنو مشهورې سندرغاړې ګل پاڼې ته هم رسېدلې ده، چې دا ځان ته افغانه وايي او که نه پاکستانۍ شوې ده، مګر د ګل پاڼې څخه داسې ځواب راغلی دی چې کېدی شي په ځينو کسانو ښه ونه لګېږي، کله چې بالاخره دا پوښتنه د ګل پاڼې څخه هم وشوه چې هغه ځانته افغانه وايي او که نه نو د هغه ځواب سپين و، هغه وويل چې نه، دا ځان د يوې افغانې په شکل نه ويني بلکې دا یوه پاکستانۍ ده، ګل پانه یو له هغو سندرغاړو څخه ده چې په افغانستان او پاکستان دواړو کې په ميليونونو مينه وال لري.

د افغانستان او پاکستان ترمنځ د افغانیت مسله ډېر وخت تر بحث لاندې وي، خو نه پېښو او پښتونخوا کې ډېری پښتانه اوس هم په دې عقيده دي چې که هرڅه وي ددوی قوميت او مليت افغان دی، دوی مخکې له دې چې پاکستاني شي افغانان دي، له همدې کبله ځينې پښتانه که ځان د پاکستان برخه ګڼي او وايي چې ددې هېواد شناختي کارډ او پاسپورټ د ځان سره لري د همدې هېواد دی خو بيا هم وايي چې قوم کې دوی افغانان دي.

که څه هم چې تاريخي روايات وايي چې د ډيورنډ د فرضي کرښې قراداد د سلو کلونو لپاره و او دا وخت پوره شوی دی خو دا چې د افغانستان حکومت يو پايدار حکومت نه دی شوي او وخت پر وخت بدل شوی دی نو په افغانستان کې يو قوي حکومت او ثبات نه دی رامنځته شوی له همدې کبله افغانستان پخپله د ځان په درد دی او ددې ځواک یې نه دی پيدا کړی چې د پاکستان سره د ډيورنډ مسله او د هغه لوري د پښتنو مسله مطرح کړي.