خلیلزاد پر سوله نوی کتاب لیکي

خبريال وېبپاڼه: د افغانستان د سولې د چارو لپاره د امريکا د متحده ايالاتو ځانګړي استازي نن د خپلې دندې څخه استعفا وکړه او دا استعفا یې سمدلاسه ومنل شوه او په ځای يو بل امريکايي مامور وټاکل شو، د استعفا وروسته ښاغلي خلیلزاد ته يوې نژدې سرچينې خبريال وېبپاڼې ته د هغه د تازه پلان په هکله مهمې څرګندونې وکړې.

د يادې سرچینې په خبره چې خليلزاد پلان لري د افغانستان او امريکا د اړيکو په ځانګړي ډول د سولې د پروسې او رامنځته شوي حالت په هکله يو مهم کتاب وليکي، سرچينه وايي چې خليلزاد د تا، لبانو سره د سولې د خبرو يوه اوږده پروسه مخته يوړه چې نېږدې ۱۸ مياشتې وخت يې ونيوه، ښاغلي خليلزاد د سولې د خبرو د پروسې په جريان کې خپل ورځنی یادداشت نيوه او پلان یې وه دا ټول حالات او پېښې به په یوه کتاب کې راټولوي، چې اوس یې د وخت په موندلو سره پرېکړه کړې چې ياد یاداشتونه د کتاب په شکل وليکي او راټول یې کړي.

خليلزاد د امريکا يو ډېر مهم مامور دی او ډېر مهم ماموریتونه يې هم مخ ته وړي دي، په ملګرو ملتونو کې د امريکا د ځانګړي استازي په صفت هغه د امريکا لپاره مهمه دنده ترسره کړې، وروسته بيا هغه په عراق کې د امريکا سفير او له دې وړاندې په افغانستان کې د امريکا سفير هم تېر شوی، په دې هرڅه کې خليلزاد د افغانستان د سولې په چاره کې ترټولو متفاوت رول درلود، يوې سرچینې د کابل څخه خبريال وېبپاڼې ته وويل چې خليلزاد د سولې د چارو د په مخ‌ وړلو په وخت کې دا اجازه نه درلوده چې د چا سره دوه په دوه ملاقات وکړي، د امريکايي مامورينو ترجدي نظارت لاندې و.

خليلزاد تر دې وړاندې هم د افغانستان په هکله يو کتاب ليکلی و، استازی د هغه ترټولو مشهور کتاب دی چې په افغانستان کې ډېر زيات لوستل شوی دی، تراوسه پورې په دې هکله دقیق معلومات نشته چې د هغه نوی کتاب به څه وخت خپور شي خو سرچینه خبريال وېبپاڼې ته وايي چې خليلزاد غواړي په دې کتاب کې د افغانستان د لومړيو ورځو نیولې بيا د سولې د وروستیو خبرو، د کابل د سقوط تر وروستیو شېبو پورې مهمې پېښې په دې کتاب کې راونغاړي نو کېدی شي پراخه حوصله وغواړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More