ازبکستان: تا، لبانو سرحدي امنيت په بشپړ ډول تامين کړی

خبريال وېبپاڼه: د ازبکستان د بهرنیو چارو وزیر وايي چې تا، لبانو دې هېواد ته ورکړې ژمنې په ځای کړې دي او د افغانستان او ازبکستان په پوله يې امنيت ټينګ کړی دی.

عبدالعزیز کاملوف وويل چې همدا اوس دوی د افغانستان سره په پوله باندې د موجود امنیت څخه راضي دي، د کاملوف په خبره چې دوی په پوله د کډوالو کوم جریان نه ويني له همدې کبله په سرحدي سيمه کې د کډوالو د کوربه کولو لپاره کوم پلان او نیت نلري، ده وويل چې تا، لبانو چې په پوله کې د امنیت کومه ژمنه کړې وه په هغه باندې یې عمل کړی دی.

دې ازبک مقام وويل چې دوی يانې تا، لبانو د امنیت په برخه کې ژمنې پوره کړې دي او د لويو پروژو د امنيت په برخه کې هم دوی بريالي دي، د تاس د خبري اژانس په قول چې ازبک وزير ورته ويلي دي چې اصلا کوم کډوال شتون نلري او د کډوالو کوم جریان نشته دی له همدې کبله دوی د کډوالو د منلو لپاره هېڅ ډول ترتيبات نلري.

تېره اونۍ د افغانستان د صدراعظم مرستیال ازبکستان ته پخپل سفر کې ددې هېواد له چارواکو سره توافق وکړ چې ددواړو هېوادونو یوه کاري ډله به د همکاريو په يوې نقشې باندې کار وکړي او بيا به یې ددواړو هېوادونو مشرانو ته وړاندې کړي.

د ازبکستان ولسمشر شوکت میرضیایف تېره اونۍ په خپله یوه وينا کې ويلي و چې تا، لبانو دوی ته د امنیت په برخه کې ډاډ ورکړی دی او ورته ويلي يې دي چې د افغانستان له لوري به ازبکستان ته هېڅ ډول ګواښ نه وي موجود حتی ډ افغانستان له لوري به یوه مرمۍ د ازبکستان لوري ته فير نشي‌،‌ ده زياته کړه چې ډاډه دی تا، لبان پخپلو ژمنو عمل کوي او ددوی لوري ته هېڅ ډول ګواښ نه متوجه کوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More