fbpx

پاتریک شناهن په یوه ناڅاپي سفر افغانستان ته راغلی

د امریکا د دفاع وزارت سرپرست وزیر پاتریک شناهن په یوه ناڅاپي سفر افغانستان ته راغلی دی.

راپورونه وايي، شناهن نن کابل ته راغلی او ټاکل شوې په افغانستان کې له مېشتو امریکايي ځواکونو سره وګوري.

له دې سره دا هم ویل کېږی، چې نوموړی به له خپلو پوځیانو سره په افغانستان کې پر روانې جګړې او له طالبانو سره د سولې پر روانو خبرو هم بحثونه ولري.

تر اوسه د دغه سفر په اړه جزیات نه دي ورکړل شوي او نه هم افغان چارواکو څه ویلي.

دا افغانستان ته د پاتریک شناهن لومړی سفر دی.

د امریکا دفاع وزارت سرپرست پر داسې مهال افغانستان ته راځي، چې نن د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد هم د یوه امریکايي پلاوي په مشرۍ د افغان سولې په اړه شپږو هېوادونو ته ۱۸ ورځنۍ سفیر پیل کړی دی.