کوېټ د چين لوی وړانديز رد کړ

خبريال وېبپاڼه: چین د نړيوال ليډرشيپ د ترلاسه کولو لپاره پراخو اقتصادي پلانونو ته ستره بوديجه ځانګړې کړې ده، په دې بوديجه کې ځانګړې برخه د افريقا او عربي هېوادونو لپاره په نظر کې نیول شوې ده، د چين دا پلان داسې روان دی چې په لومړیو کې د نړۍ د سوداګرۍ ټولې لارې او بندرونو پخپل کنټرول کې راولي او وروسته بيا په همدې لارو باندې خپل توليدات د نړۍ مارکېټونو ته وړاندې کوي.

تازه د کوېټ په رسنیو کې دا خبرونه خپاره شول چې د کوېټ او چین د یوه قرارداد په بنسټ به کوېټ چين ته خپل ځينې سمندري ټاپوګان په کرايه ورکوي، دغه خبر د کوېټ په ټولنيزو رسنيو کې غوغا جوړه کړه او ډېری خلکو ددې سخت مخالفت وکړ او د حکومت څخه یې وغوښتل چې سمدلاسه له دې پرېکړې په شاشي، د خلکو د غبرګون څخه وروسته د کوېټ د بهرنیو چارو وزیر په یوه خطاب کې خپل ملت ته وويل چې دا خبرونه حقيقت نلري.

ياد وزير وويل چې دوی د چين سره لويه سوداګري لري او په ډېرو برخو کې ورسره ګډ کار کوي او دا کار به نور هم پراخ شي خو د ټاپوګانو د کرايې کولو خبر چې کوم دی هغه حقيقت نلري او نه هم د کوېټ حکومت دا پلان لري چې ټاپوګان چین او يا بل هر هېواد ته په کرايه ورکړي.

که څه هم چې د کوېټ حکومت دا خبر ر‌د کړی دی مګر د چين پاليسي بيا دا برخه لري یانې چين د تورو هېوادونو د بندرونو ټاپوګانو او حتی ځمکو په کرایه کولو همدا اوس بوخت دی، ډېر وخت چين په یوه هېواد کې يوه لويه پروژه اخلي هغه په قرض باندې د هغه ملک د حکومت لپاره جوړوي خو کله چې حکومت ونه توانېږي چې د چين قرض ادا کړي نو بيا چین همغه پروژه د پنځوسو کلونو او يا د سلو کلونو لپاره پخپل واک کې اخلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More