د امريکا کانګرس ته د متقي په ليک کې د کابل نیولو جالب سبب

خبريال وېبپاڼه: په داسې حال کې چې د تا، لبانو له لوري د افغانستان د نیولو دری مياشتې تېرېږي مګر د نړيوالو له لوري د په رسمیت نه پېژندنې مسلې او په ځانګړي ډول د امريکا د حکومت له لوري د افغانستان د مرکزي بانک د پيسو د قيد کولو قضيې موجود افغان حکومت د يو لړ جدي ستونزو سره مخ کړی دی.

د امريکا له لوري د نوي تا، لب حکومت سره اړيکې تراوسه په رسمي ډول نه دي پيل شوې او د نړۍ نور هېوادونه هم د امريکا له وېرې دې ته زړه نه ښه کوي چې د تا، لبان سره رسمي اړيکې ولري او هغوی په رسمیت وپېژني، ان چین او روسیه غوندې لوی هېوادونه هم نه غواړي د افغانستان له کبله د امريکا سره نور هم په جنجال کې ډوب شي له همدې کبله د افغانستان سره په عملي ډګر پرته د کورونا د واکسين څخه نور هېڅ د پام وړ همکاري نشي کولای.

د دریو مياشتو د تېرېدو وروسته اوس داسې ښکاري چې تا، لب مشرانو دا قضيه درک کړې ده چې د امريکا سره ستونزه حل نکړي نو د ټولې نړۍ سره به يې ستونزه په ځای پاتې وی له همدې کبله د نوي تا، لب حکومت د بهرنیو چارو وزیر م ا متقي د امريکا کانګرس ته یو ليک استولی دی او په دې ليک کې یې ددې هېواد د کانګرس او حکومت څخه غوښتي دي چې د افغانستان د خلکو قيد شوې پيسې ازادې کړې.

تا،لبانو په ياد ليک ليکلي دي چې د پيسو قيد کول د ستونزو حل لار نه ده او ددې مسلې زیان صرف د افغانستان خلکو ته رسیږي، د ليک په یوه بله برخه کې بيا راغلي دي چې افغانستان او امريکا بايد د تېرو ترخو تجربو څخه درس واخلي او د دوحې د توافقنامې خلاف مثبتې اړيکې جوړې کړي، په دې ليک کې ويل شوي چې په افغانستان کې ژمۍ را روان دی او افغانان د فقر، وچکالۍ او نورو ګڼو ستونزو سره مخ دي له همدې کبله ددوی د خپلو پيسو ازادول ددوی مسلم حق دی.

په ياد ليک کې د افغانستان پخواني تښتېدلي ولسمشر اشرف غني ته هم اشاره شوې ده او ويل شوي چې هغه په بې مسولیته ډول د افغانستان څخه وتښتېده او دوی د افغانستان د خلکو د کابل د ښاريانو په غوښتنه دې ښار ته دننه شول او امنيت او چارې يې په دې ډول په لاس کې واخیستې.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro