د لوی نړيوال بنسټ او تا، لبانو ترمنځ مهم توافق وشو
خبريال وېبپاڼه: د لوی نړيوال بنسټ او تا، لبانو ترمنځ مهم توافق وشو، په افغانستان کې پخوا هم د نا امنیو له کبله د مهم بنسټونو په ځانګړي ډول د نړيوالو خیریه بنسټونو د فعاليت لپاره زمينه نه وه مساعده او اوس د نوي بدلون سره ډېری بنسټونو د افغانستان څخه پښې سپکې کړې، خو اوس تازه د سرې مياشتې د عملياتي ادارې مشر دامینیک استیل هارت د افغانستان د نوي حکومت د ريس الوزرا د سياسي مرستيال مولوي عبدالکبير سره پخپله ليدنه کې مهم توافقات ترسره کړي دي.
نوموړي د ريس الوزرا د سياسي مرستيال سره تر لیدنې وروسته وويل چې سره مياشت د افغانستان د وروستي بدلون په حال کې هم د افغانستان څخه بهر نشوه او دلته د افغانستان د خلکو ترڅنګ پاتې شوه، ده په خپلو خبرو کې د تا، لبانو سره د خپلو ښو اړیکو څخه هم يادونه وکړه او ویې ویل چې دوی د تا، لبانو سره هېڅ ډول ستونزه نه درلوده او ښې اړیکې ورسره غواړي، ښاغلي دامينيک وړاندې د اړیکو د قوي کولو په هکله خبرې وکړې او ویې ويل چې غواړي د نوي حکومت سره خپلې اړیکې نورې هم قوي وکړي.
د یاد بنسټ عملياتي مشر په خپلو خبرو کې د توافق ځینو ټکو ته اشاره وکړه او ویې ویل چې په دې توافق کې د روغتيا او کرنې په برخه کې په همکارۍ باندې ټينګار شوی دی، نوموړي وويل چې سره مياشت د هغه ژمنې په اساس چې د افغانستان د خلکو سره یې لري په افغانستان کې خپل فعالیت نور هم پراخوي، په ياده ليدنه کې د ريس الوزرا سیاسي مرستیال مولوي عبدالکبير هم په دې خبره ټينګار وکړ چې افغانستان په اوس وخت کې نړيوالو مرستو ته شديده اړتيا لري او ژمنه یې وکړه چې دوی د سرې میاشتې سره هر ډول همکارۍ او د مرستو رسولو لپاره هر ډول اسانتياوو رامنځته کولو ته تیار دي.