fbpx

محب: په افغانستان کې د تل پاتې سولې هڅې روانې دي

د افغانستان د ملي امنیت سلاکار حمدالله محب دا څرګندونې د لوړپوړي امريکايي پلاوي سره  په کتنه کې وکړې

هغه زياته کړه چې زموږ اتل سرتيري د افغانستان له خلکو او ځمکنۍ بشپړتیا دفاع کوي دی زياتوي چې د افغانستان حکومت د سولې پروسې په پرمختګ کې ښه نوښتونه لرلي او د افغانستان د خلکو ۱۸ کلنې لاسته راوړنې به د سولې بهیر په بري کې خوندي پاتې شي.

ډاکټر محب یاد شوي پلاوي ته د ښه راغلاست ویلو تر څنګ، له افغانستان سره د امریکا د سټراتېژيکو او اوږد مهاله همکاریو له امله قدر داني وکړه.

امریکايي لوري د افغانستان د دفاع وزارت د ظرفیت او رهبرۍ له ښه کېدو خوشبیني څرګنده کړه او د هېواد د امنیتي او دفاعي ځواکونو د تقویت لپاره يې د غوڅ ملاتړ ماموریت او د امریکا د متحدو ایالتونو د مرستو د دوام ډاډ ورکړ.

په همدې حال کې د هېواد د ملي امنیت سلاکار د افغانانو په مشرۍ او مالکیت د سولې بهیر ته په اشارې، په دې برخه کې د امریکا د متحدو ایالتونو له اقداماتو او همکاریو مننه وکړه.